صوت الشعب
صوت الشعب صريح وجريء
عايز وش بشوش ومضيء
ويا الكل عامل تنسيق
ويكون شاطر ف التسويق
والمشروع سهل التطبيق
نفسه ف كلمة تبل الريق
إيد تتمد ف وقت الضيق
ترسم بسمة تنجّي غريق
يجري يطفي معانا حريق
روحه تكون ف السكة رفيق
حتى ان كان ف الخطوة بطيء
..............
مش عايزين اللي اسمه شفيق
مش عايزينه لينا صديق
ولا راح نمشي معاه ف طريق
ولاهنكون وياه ف فريق
دا تِعبان وجلده رقيق
فكره مريض قديم وعتيق
عايش عمره لسيده شقيق
كان لمريكا خدّام وعشيق
كل كلامه صعب التصديق
مش عايزين كدب وتزويق
شامم فيه ريحة تفريق
يبقى المجرم حر طليق
والمقتول مخنوق م الضيق
إوعى تقول والنعمة بريء
تاخد حقك ف التحقيق
هنوضب لك سجن يليق
جنب حبيبك ف التلفيق
واسمع مني بدون تعليق
مش عايزين اللي اسمه شفيق
..................
كلمات
عصـــــــــــــــام ميــــــــــــــــره