( رسالة إلى أعضاء مجلس شعب 2012 )
تِكْرم والله وكتَّر خيرك ... يا ابن بلدنا ، وإيدي ف إيدك
جايلي ف وقت الهم كاويني ... حالف إن الخير ها جيني !
سجّل بقى يا زمان على اخويا .... فكّروا دايما إنو يصوني
أنا ومراتي وابني وابويا ... إياك تيجي ف يوم وتخونّي
لا وعلشان ما في حد يسودك ... من اللي ف برَّه أو حواليك
خليني شوكه ف زورو ف إيدك .... أبقى إيديك وكمان ِ اعنيك
***
خليك فاكر إني حبيبك ... وان رضايا سر وجودك
إني أمانه ف إيدك صونها .... عوِّد نفسك كِيف تخدمها
***
واياك تنسى إني اخترتك
واني بإيدي هشطب إسمك
واني بإيدي هاختار غيرك
هاختار غيرك واحسن منك
ما انتو بقيتو زي الهم .... زي الهم ويمكن أكتر
***
واوعاك تكون متخبِّي ... ورا سنَّه تخدعني
لاحسن ستارة الدين ... ما عادتشي تنفعني
***
واياك تكون مزقوق من الماضي وايامو
لاحسن بإيدي تدوق من اللي فاتوك داقو
انتهت بحمد الله
بقلم الشاعر / محمد محمود شعبان ( حمادة )
مصر ـ الزقازيق ـ شرقية ـ