بلدي بير الكرامة وتل الدين والايمان
وكل كلاب الشرق عم تنهش نهودو
بلدي للتاريخ أنشودة و عنوان
بسمة عشق , وغنيه حسون ولهان
وكل بساتين الدني غارت من ورودو
بلدي بغربو البحر متعربش و سكران
وبالشرق نهرو عظيم و كاشف عن زنودو
بشمالو الجبال حصون عز , وكروم وجنان
وأهلو بعون الله فرسانو وجنودو.
وجنوبو الكرامةوالاصل سكان
ملوك عدد الحصا , ملاكو وعبابيدو
بلدي يا من رسم أبجدية الانسان
يا مهبط الاديان
يا محشر الانسان
يا مضيف العربان
يا لحن غنتو شفايف الغزلان
يا روعة الكون وحزمة الالوان
يا من بهاء الكون غنى على عودو.
بلدي يا سوسنة غفيت على شباك عشقان
والنانرج منا يغار , والزيتون والرمان
حتى الكرم , اتحدت دواليه وعناقيدو .
يا ناي حزن وعازفو مثقف وفهمان
بس يا حسرتي مو طالع بايدو.
بلدي يا هلال اتكا عالصلبان
ما بتعرف مين حد السيف اومين ايدو.
انت رحلة بولس, و صبر بطرس , و عزلةالرهبان
انت بلد عمر وعلي ومعاوية ومروان
ابن اليهودية غريب , لا منعرفو وما نريدو.
ولادك صحب طه المصطفى العدنان
منو عوجه الكون راحو يزرعو حدودو.
واليوم انت يابلد طفل , وبسكين مدبوح
وكمان حيران ,
بيسال ببراءة عن موت عزة جدودو.
جريح وعليل , وبدمو متلطخ و سبحان
والدمع كل ساعة عم يحفر خدودو .