برئ منك
000
برئ الحب من قلبك
برئ الدمع من عينك
انا وقلبى اللى عشنالك وخنتينا
وكنا لك جرحتينا
ورحنالك وسبتينا
وياما تعبنا مع قلبك
برئ الحب من قلبك
فضلنا ايه انا وقلبى
هنبكى عليه
مدام فى الدنيا ناس زيك
نعيش فيها ليه
بنيت احلامى على كدبك
صحيت ملقتش غير غدرك
برئ الحب من قلبك
00000
برئ من حب حبيته
وكان اكبر من الايام
وقصر هواكى هديته
عشان جدرانه من اوهام
وجرحى ف قلبى خبيته
وقلت خلاص كفايه عذاب
طريق كان صعب ومشيته
مكنتش عارف انه سراب
برئ الحب من قلبك
00000
برئ من حب حبيته
لابيقدم ولاياخر
ونفس القلب كان بيته
لكن دلوقتى متاخر
جدار البعد عليته
وفيه بنا طريق مسدود
ولو بالصدفه عديته
هلاقى الحب مش موجود
برئ الحب من قلبك