انا مصري
بسيط فطري
وقلبي هوً عنواني
وبستاني
انا العامل انا العاطل
انا الصانع انا البايع
انا الفلاح انا الملاح
انا الساعي انا الراعي
انا الشيال انا العتال
انا النقاش انا القماش
انا اللي الشطان خدني
انا اللي علمي ما فادني
انا الباني
ولقمة عيشي شغلاني
شغلتونا
شغلتونا
بليبرالي واخواني
وعلماني
بخاطب فيكم القلب
انا عايش ومالي حزب
يعلمني اداهن او
يعلمني اراهن
او اعيش بالكذب
انا قلبي على لساني
لنا شيعي ولا سني
انا مسلم وليا قلب
وإنساني
وموش عدواني
انا المجني عليه والجاني
احب الجار ولو قبطي
ويعطيني ونا أعطي
وله دينه ولي ديني
انا مصري وموش هندي
ولا هوا كمان صيني
وإسلامنا معلمنا
نقيم العدل
ولا مره بيأمرنا
نعيش بالقتل
لنا خاين
ولا عمري حكون ندل
أنا مسلم
بقضي الفرض
أنا مسلم
أعمر ارض
أنا مسلم وبالحسنى
لربي قرض
أنا مسلم يفوح عطري
أنا مسلم بسيط فطري
وبا رجوكم
وبادعوكم نقول بكره
عشان خاطري
عشان مصر العظيمه تْعيش
عشان ننجح حكومه وْجيش
نعم للي بيستاهل
يشيل همي عن الكاهل
ولا .. ألف مليون لا
لواخد علمه من جاهل
عشان خاطري
بلاش تشْمَتِ الأعداء
بلاش تكتر الأسماء
بليبرالي وعلماني
واخواني
وبارجع من ورا تاني
انا مصري بسيط فطري
ونفسي تخلص الغمه
وترجع مصر للأمه
ننقي بحرنا وْطينا
ولا ننسى فلسطينا
وتستاهل نضحي لها
ونضمن في القتال جنه
بدال مانقـْتل اخْوانا