شتا قلبى
شتا قلبى بيندهنى
ولمسة ساقعة تدّفى فى احضانى
وتسألنى
يا شايل الهم من بدرى
وبتكابر
ليه بالرغم من بردى
دفاك سافر
وراحل ليه عن الدنيا باحساسك
ومتغرب مابين نفسك وبين ناسَك
يا ناسِك حزن ايامك فى محرابك
هويت ليه الظنون اصحاب !!!
ومين غيرك دوى جرحك ؟؟؟
ومين فى الخزن اصحابك ؟؟!!
وبدرى عليك
وبدرى عليك تشوف قلبك فى اخر العمر بينازع
ونازع ليه من الدنيا امل بكرة
طويت الصبر كام مرة فى اوهامك
ومن اول ميعاد لليأس
ليه سلمت احلامك ؟؟!!
طلعت البرج تتفرج على الايام
ومين خانك
ومين هانك
ومين داسك
بنيت العش مية مرة وكسرته
فتحت الباب عشان تمشى
ومرضتش الامانى تطير
فحاسب للامانى تطير
في يوم ما تقفل الابواب