حبيبي الساكن بروحي يريد اليوم ينساني
يكَلي أنسة عرفتني بيوم روح ألكَة محب ثاني
بعد لا تتصل أرجوك انسة رقمي ونساني
انسة كل ما جمعنا بيوم وانسة هناك تلكَاني
زماني بيوم ذر الناس زماني عليك ذراني
عصفورة وغشيمة وراحت لصياد وهاي النتيجة تكسرت جنحاني
قليلة بخت أني وياك وحظي عليك وداني
حبك سجن .
صوتك سجن .
أسمك سجن .
اريد انسة السجن ، واريد اليوم اني أنساك سجاني
حبك حزن وآلام وأريد اليوم اخلع ثوب احزاني