اذا الاضحى فجعني بيوم صدم
اجى اليوم وضحك لي بلجّة سنونة
ضحك وكت القنادر صافحت بوش
وشمخ نخل الفرات وغنّت غصونه
تعطّر كل قصيدي الكان حزنان
وصحى صوت الضمير النامت عيونه
نعم انت نطرنا نشوفك اليوم
الغدر نعلك يهزه ويقلع حصونه
الف زيدي نريد اليوم شرواه
ولا تحلى الرجولة صدّق بدونة
عراقي انت الاصالة وابن هالكاع
يابن دجلة العروبة بيك مفتونه
كتبت انت الشموخ بفردة حذاك
ولبس غار العراق وكحّل جفونه
اذا وين البوراج والاساطيل
سبابيط تهزها وبيها مهيونة