|
|
الموت سنّـه والليالـي جِدايـد |
| وآنا اشهد إنك "يابو خالد" فقيده |
| والعمر وإن طالت لياليـه واحـد |
| وذِكرك بقى فينا سنيـنٍ عديـده |
| فارقتنا "لا حووول" يا عزّْ والـد |
| وتركت دنيانا بفقـدك زهيـده |
| الحزن يشعل بالصـدور المواقـد |
| وطاحت على خدّي دموعٍ عنيده |
| حزنٍ يولّع فـي فـؤادي وقايـد |
| يفيض بعروقي ويجـرح وريـده |
| غيرك مضى ماله مع الناس ناشـد |
| وإلآّ أنت تبكيك الفعال المجيـدة |
| نوّخْت يا تاج الشرف كل كايـد |
| وبنيت مجدك في علـومٍ وكيـده |
| بالجود والطيبـه تمـدّك روافـد |
| والدين والسيره وعلـم وعقيـده |
| تشيـر بالعليـا وتبنـي سواعـد |
| وجَنيت صيتك والحياه السعيـده |
| وميزاتك اللي ننهله منـك زايـد |
| شيمه وقيمـه والمزايـا عديـده |
| مبناك ثابت لو دَهَتنـا الشدايـد |
| كنّك بَعَد فينا بعزمـك تشيـده |
| الموت فينـا بيـن صـادر ووارد |
| والموت حق وكلنا طـيّْ قيـده |
| خبر وفاتك زلزل أركان غامـد |
| وخلاّ قلوب الناس بعدك وقيـده |
| وما مات من ذكره مع الناس خالد |
| نذْكرْه بافعاله وما جـادت إيـده |
| تَهْوِي نجوم ولا تطيـح الفراقـد |
| يبقى سناها لـو علينـا بعيـده |
| يا من على شوفه تحِـنّْ المساجـد |
| وسطّر بنهج الدين سيره حميـده |
| ياكم عَمَرت الليل راكع وساجد |
| وياكم لكفّك من عطايـا فريـده |
| خالد وفيصل يذكرونك وماجـد |
| يدعون بالرحمـه وحنّـا نزيـده |
| يبنون مستقبل بذكـراك واعـد |
| وصيّتك وآراك فيهـم سديـده |
| مرحوم يا رمز النقـا والعوايـد |
| ما بعد بو خالد علينا فقيـده !! |
قصيدة رثاء رائعة لشاعر الواحة "ماجد الغامدي"نشرت في جريدة المدينة.
