يا مصر .. تحياتي

جمال الطمي في عيونك
قصايد من صبا الريحان
كأنه يا مصر تسبيحة
له وجه الشجر فرحان
شجر جميز ولوز باهي
يشدك لونهم الزاهي
شجر جميز بيفرد إيده ويوضي البشر بالخير
ويضحك كالشموس فينا
بتحبل بالدفا الأخضر
وينزل فينا زي الطير
وأنا شاعر
وعايش في حنان أرضك
اهدهدها..
وأعوذها
وأغني لها
عشان يا حرتي ما تنام
في أوردتي اللي ممدودة لها أغصان
ولما بشوف على وجهك سمار ضحكة
بلون الطمي معجونة
وصدى الساقية هناك في الغيط
باحس بأن في ضلوعي
حمامة نشوى
أحلام السهول البكر في طوقها
وفي عنيها بترقص كافة الأشياء
وزي الريح تهزك مهرة الأموج
وطفلة صغيرة ف عينها نخيل الشعر
شوق أخضر
بيلعب زي عصفورة أمل بيضا بتتمختر

أنا حبي يا مصر الغالية
مش نبته شيطاني
..لا!!
ولكن غيطك النشوان
ورقصة زرعك الأخضر
وقلبي قمحة فيه تكبر
لا راضية بمنجل الحصاد،
ولا يقدر ياخدها ف قبضته منقار
واهي راضية بصوابع تربك الدافي
الحبالى بالضحى الإنسان
وفي الشريان
جدودي بيزرعوا وشوشهم
ويبنوا م الأمل أهرام
معابد
يبدروا ثورة بياض البذر..
مدفونة
في نسيج دمي
اللي مايرضاش يعيش غشاش
وبيشموا ارتعاش شوقي
فيلقوا فيّ يا مصر اهتزاز طينك
واهو جدي
نزل في نيلك المنثال
على شفتيك نهر بدور
بيرسم عطر تاريخك
وأحلام الحضارات العذارى
وابتداءاتك
وشهقة مولدك لما
بتشهقها النهايات العجايز
جوه أرحام البدايات العريس
ثم ينفجر الصهيل الغر يا بلدي
صهيل فجر الأمل أبيض
بيحبل بالفتى ف قلبه
ويحبل بالفتاة تنهض
فتاة حرة
ومن ضحكتها بتطير اليمامة
ويزعق الريحان

جدودي بيزرعوا شمسك
في شرياني وأوردتي
وفي عرقي أهو انسربوا
كما الأنهار
من الأحفاد وهم أحرار
جدودي زي أحلامي
لها إيقاع جنينة فل نشوانة
ومولودة ف شفايفهم
طيور غضة
وبيضا زي ما تقولي يا مصر
عيونها إنسانه
تحياتي
إلى أهرامك الشبان
متاحف عمرك الأخضر على الأزمان
معابد ضحكتك زفت لكل الدنيا معنى الحب
والإيمان
تحياتي
واهي اعتشبت ملامحها
على نفَسِي
فغنَّتني
ومن طمي ابتساماتي
نادالك وجهها الكروان وهو يبتولد كالفجر في فني
تحياتي
قصايد من صبا فرحة سمار طينك
أمانة ربنا يعينك
يا حلوة يا مصر ويصونك
تحياتي

الرائع / علي سالم الصالحي
قصيدة تشى بشاعر متمكن ومتمرس - سعيد بقراءتها - انتشيت - ورأيتني ورأيت مصر - وزاد حبى لها ولك - دمت شاعرا جميلا

لا!! مش قادر!!!
أرجوك حبة علية يا صاحبي
مهما بلغ حبك لكلامي
أو لكلامك مبلغ حبي
ابقى ساتنى عليه شوية
أنا مستني الواحة تجيني
زي ما جيتها
وإديها تدفي شراييني
بحنان سكانها ودفا بيتها
لكن كل الشكر يا صاحبي
لكن قول لي: كيف راح ارجع قلبي لصدري
وانا من ساعة ما قريت قولك قلبي باحسه طاير طاير
بره حدود الدنيا دي بي

رائع
لاهنت اتمنى لك كل التوفيق
لك كل التحايا الطيبة
الشاعر

أخي الكريم شاعر الزجل / على سالم الصالحي ..

مصر في قلوبنا جميعا وما أجمل أبناء مصر حينما يتغنون بحبها

قصيدتك تبشرنا بشاعر شعبي رقيق ذي نفس طويل

وهي جميلة في معظمها إلا أن طولها أخرجك أحيانا عن موسيقى الزجل

إلى الكلام العادي ، وسأحولها إلى منتدى الأدب الشعبي والمترجم

وهناك ستجد إهتماما أكبر

لك مني خالص الود .

رائع
لاهنت اتمنى لك كل التوفيق
لك كل التحايا الطيبة
الشاعر

وليك انت جميل مالي
يا صاحبي دخلته تفرح
تضيق الدنيا يا صاحبي
ومهما تضيق
نلاقي جنبنا فيها أمل وصديق
بنشكي له
وفي أحزاننا بنسافر
ولما يقول لنا
كلمة بتبقى المكملة بتروح
صديقي لك حياة قلبي
ولك حبي

أخي الكريم شاعر الزجل / على سالم الصالحي ..

مصر في قلوبنا جميعا وما أجمل أبناء مصر حينما يتغنون بحبها

قصيدتك تبشرنا بشاعر شعبي رقيق ذي نفس طويل

وهي جميلة في معظمها إلا أن طولها أخرجك أحيانا عن موسيقى الزجل

إلى الكلام العادي ، وسأحولها إلى منتدى الأدب الشعبي والمترجم

وهناك ستجد إهتماما أكبر

لك مني خالص الود .

أخي درهم
جمال قولك على قلبي الوديع علِّم
ولكن إنها خرجت عن الموسيقى دا يمكن
يا ريت يا صديقي
تطلعني على المكسور عن الأزجال
عشان تبقى الأمور أبين
ولكن كلي يا صاحبي أمل وسرور
وحتى لو لقيت عندي كتير مكسور
مادم بزيارتك الغالية
لقيت ريحة الأمل بتغني جوه الصفحة
كالعصفور

غبت يا أيها الحبيب ..
واشتياقي لعلمكم زاد

وفي عنيها بترقص كافة الأشياء
وزي الريح تهزك مهرة الأموج
\


أحسست ان البوح هنا .... لايواكب تمام الابداع في القصيدة

\

يااحمد
انا ايضا ً احبك
حب مش نبت شيطاني

يامصر ياساكنة
ف عروقي

قلبك شمس
لشروقي

ياطلة من سما
فوقي

احمد
عاميتك تشي بحب كبير
لحبيبتنا
سلمت يمينك يابن بلادي