هز الهلال ياسيد

زرعت بذرة السكات
نبتت ف ارضك حنضلة
طرحت ثمار الانكسار
احصد بقى
ياشعب ياساكن قبور الصمت
انت اللى سلمت الزمام
ورفضت تمشى للامام
وانت اللى بعت
عوصت ليه المسئلة؟
تعبان انا
جى النهاردة بتشتكى
والدمعه فوق خدك طوفان
وتقولى هات ايدك – غرقان انا
تعالى وشدنى
غرقان يشد فى غرقان..!
انا همى واصل للودان
ياحافرين الارض
حبة صبر
خلو القبر يهضمنى
بلدى انا اللى شاريها
وهى بتضنى
ارفع قيمتها ف كل ارض
وهى بتهينى
اموت فداها شهيد
تنزع قميص الشهادة
وترفض تكفنى
تنهش ف لحمى الديابة
ورفضة تدفنى
وازرع جناين الامل
تطرح محبة
تحصدها منى
تمد ايدها للغريب
وانا تهملنى
متعودين ع الجرح منك ياوطن
متعودين
ان قلت حق نقول امين
وان قلت زور بنقول امين
واحنا تملى المخلصين
نرويك عرق
واحنا اللى فيك المظلومين
والمطحونين
والمقهورين
والمعجونين مية نكد
ونعيش الم
ونموت كمد
ناخد بايدك للعلا
وانت تاخدنا لاسفلين
طب يرضى مين؟
طحين المر للغلابة اصبح عجين
واحنا اللى ليه الاكالين
وانت بتشرب دمنا
وانت بتطحن عضمنا
اخلصنا ليك
وانت اللى سافح دمنا
تطرح همومنا زهرنا ف قلب الحياه
انت بتيجى ف بختنا
ورضينا بيك
وانت اللى لم ترضى بنا
احنا اللى ليك
وانت ماكنت يوم لنا
بنمد ايدنا تعضنا
فرعون زمان
جاب القيود
ضفر لنا قيد الوعود
والشعب طيب
راضى يتقيد
قيد وقيد
والكل بيئيد
الكل عزا ف الوطن
وهو بيعيد
(وهز الهلال ياسيد
فرعونا هو السيد)
من يومها راكب ع الكتاف
والشعب نازل فيه هتاف
طوح عصايته الكل خاف
واللى افتكر
يعمل دكر
حطوة ف قلب المعتقل
الكل قام
يهتف بانه اولعوبان
موتور بيدن الادان
ف غير ادان
وبيختصم سيدنا الولى
سيدنا الهمام
الكل اصبح ليه جبان
الكل يجرى ع القدم
الكل بيبوس القدم
يبدو الندم
شفاعه سيدنا المفترى
انا قلبى يصرخ بالقوى
الصوت يرتد يموته
وكانت كل بلوته
انه فيوم قال لى وطن
ضهرى انقطم
ماخلاص بقى
انت اللى راضى بالهطل
تسكن وتشرب ف العطن
كل اللى رايح واللى جاى
يقول دا مين ؟
واحيات نبى المرسالين
خجلان وانا بنطق وطن

الشاعر النقى استاذنا د. فوزي
ما أصدقك ..
صدق يذبح ...
عاشق .. يلوم ... و يصرخ ...و لكنه لوم العاشق ..!
أصبحت انتظر جديدك ... لأنه فعلا جديد..
و كان من حسن حظى أن أكون أول المصافحين ليد ابداعك الحانية
تقبل محبتى و تقديرى

الشاعر النقى استاذنا د. فوزي
ما أصدقك ..
صدق يذبح ...
عاشق .. يلوم ... و يصرخ ...و لكنه لوم العاشق ..!
أصبحت انتظر جديدك ... لأنه فعلا جديد..
و كان من حسن حظى أن أكون أول المصافحين ليد ابداعك الحانية
تقبل محبتى و تقديرى

استاذنا مجمد جبريل
عفوا سيدى انت الاستاذ
ونحن نتعلم منك
افادتنى خبرتك وتواجدى معك فى المنتديات المختلفة
اعتز بك اخ وصديق
تقبل محبتى وتقديرى

لمَّا الوطن
ينده عليك
تنسي يا شاعر
كل التعب
اللي دقته
من العذاب
من غيرعتاب
أو ليه وليه
نلقاك ف لحظة
مرمي في حضنه
تزرع أمالك من جديد
بين عنيه

وازرع جناين الامل
تطرح محبة
تحصدها منى

من أجمل ما شدا شاعرنا د.فوزي أبودنيا
كلمة في سرك :كل الفراعنة عادلين ما عدا فرعون موسى !
محبتي
شاهين

الله يجحمه مترح ماراح

المهم
اسعدنى مرورك ياباشا
واضاءت له جوانب صفحتى
محبتى لك

دكتور..

تنبعث الصور الشعرية المآساوية
والصور اليت ترسم لنا الواقع المر
وايجابية خاصة تشفع لهذه الصور مأساويتها وهي
دون الوقوع في اليأس المطلق

دمت بخير
محبتي لك
جوتيار

ما زالت هنا مجاملات ..
هناك بعض السطور الشعرية تصلح لتقيم قصيدة جيدة ..
والكثير من السطور طغت عليها الخطابية , وكان أولى أن تلقي على منبر
أو في مقال ..
فالشعر كما نعرف جميعاً لغة الوجدان مملوء بالعواطف , وهو بخلاف الكتابات الأخرى
كالمقال والرسائل والخطب ..
وأنت سيد العارفين أخي وصديقي دكتور فوزي ..
فهل يرضيك أن أجامل وأقول لك حلوة ....................... أم ماذا حبيب قلبي ..؟!

روعة أبو دنيا واللة انا خايفة ليحصلك حاجة بعد اللى كتبتة دة
رب يحرسك ويسعد أيامك
تحياتى شيرين موسى

لمَّا الوطن
ينده عليك
تنسي يا شاعر
كل التعب
اللي دقته
من العذاب
من غيرعتاب
أو ليه وليه
نلقاك ف لحظة
مرمي في حضنه
تزرع أمالك من جديد
بين عنيه

عمنا النابض الثرى المحترم
اهم ميزة بك انك لاتسرق نصوص الاخرين فى تناص وتطول على الناس بغير علم

ادبك جعلنى احبك فى الله عن غيرك ممن اساء الادب لاصابته بالكبر اعاذك الله منه

محبتى ياحبيب قلبى

دكتور..
تنبعث الصور الشعرية المآساوية
والصور اليت ترسم لنا الواقع المر
وايجابية خاصة تشفع لهذه الصور مأساويتها وهي
دون الوقوع في اليأس المطلق
دمت بخير
محبتي لك
جوتيار

حبيب قلبى الاديب الجميل جوتيار
كم انت مثال للناقد المحترم الذى يحترم مشاعر الاخرين
وتعطى القدوة لمن فى نفسة مرض ان يتداوى ليرى الناس بعين الحب
لا بعين الحقد
لذا فانت بحق انسان جدير باحترامى