من ملفاتى القديمة ..( منولوج شعرى)
تركيب كلام متبعترة ف الهوا تنفض تراب الوتر المنقوع غم
ترانيم حوار مايع ملوحة سكات ينسج اهات متغمسة بالدم
انا لا ف الماضى همجد ولا ف الحاضر هذم
مرايتنا بتقول لا تستعطف مسكين ولا تستقطب رباب
يدندن لنمل سرحان
دا العين بصيرة والايد طويلة تطبطب على بطن الشبعان
اللى غاوى يسمع يطرطق ودن وحدة
ويحط على قلبه مداس الوحدة
اصل مش كل من ركب نفسه وصلى ركعتين شيخ ف دين الوهاب
ولا كل من ركبته نفسه سرق قرشين قواد لدنيا الشباب
حكواتى لا بهرتل ولا برمم تراتيل بهتانه
اللى عجبوا يسمع ويسمى نفسه انسان
واللى مش عجبوا يسم نفسه بسكر دايب
يا ابن ادم الدنيا دى زمن شايب
هتوت وتصحى تلقاه بفعل خايب
اسرق
اقتل
افتن
بس ((اوعاك تاكل حرام))
رد مع اقتباس
المشاركة الأصلية كتبت بواسطة الشربينى خطاب
