(النيل طلع معاش)
((((النيل طلع معاش )))
اهو خلاص قرر انه يرسم مستقبله بعد ماساب الوظيفه الميرى
اللى فرضتها عليه الطبيعة.
هيقعد ع القهوة ويمطع رجليه الطويلة
و يطلع كل الحكاوى الاصيلة من عبه زى الحاوى بالظبط.
وبكل براءة الدنيا هينكش ف كل طلعة صبح كان بيقبله فيها
تلت اربع جتت من حضن الليل :
(بنت بكاها مجبش نتيجة مع ..ابن خالة بنت عم ابوها لما شفها فتحه شباك الدوار .
جثة شاب بتصرخ : مش ذنبى ان جدى سكننرع كان عليه تار قديم)
كل الحكاوى كانت بتتمرمغ على صفحة ايديه وهو بيبخها ف صدر الناس اللى
كانوا بيسمعوه وهم بيحلفوا :
انه خلاص خرف بعد ما كتفه عجز من كتر البنا ف ابيات الشعرا
مقابل كلمة حلوة من ناقد عبيط .
النيل على الرغم من كل الماسى اللى عدت على وشه الا انه كان بيفتخر بيها :
جايز لانه بتعبر عن ابن البلد بجد .
اويمكن لانها مكنتشى بتنفقه زى الاغانى الحزينة .
او زى ناى المركبى المتعاص هم واللى مبقش ياثر فيه.
لدرجة انه شد حزام السد على وسطه .وحلف ليقطع كل العلاقات الحلوة بين الناس(الفيضان)
بعد ما سبوه خربة قديمة لولد طايش وبنت معندهاش اهل.
النيل قرر اخيرا انه يشتغل ((كخلفية )) عند جهاز كومبيوتر ((مهنج مشاعر))
رد مع اقتباس
المشاركة الأصلية كتبت بواسطة د. فوزى أبو دنيا
