ليلة فرح
انفرط عقدك من بين ايديا
ومفيش أمل
غير انى ألملم .. كل حبة
بشوق ولهفة وألف آه
لما إكتمل حلمى بحياتى ف قربى منك
قلت لا .. !!
بصيت لقيت .. ف ايديا خيط
طرفه إتغزل
بجراح وشكوة قلب عاشق
قلب اتقتل
قلب إندبح
ليلة فرح ..
قدام حبيبته والعيون نظرة عتاب
ما حلفتلك ..
عمرى ما أخون
لكن أكون .. بوش تانى وألف لون
فلازم أبعد .. عشان أحدد
هدفى ومصيرى
ما إنتى لغيرى
وزفاف سموك ع الملاء
يومها انسرق
منى كيانى ونحرق
قلبى وقالوا انه اندفن
والسوس بينخر من زمن
جوه الجراح اللى ابتدت
تنزف شجن
تصرخ آهات .. جوه السكات
مش قادر انسى الذكريات
لكن خلاص
انتى خلاص .. رايحة لطريق
مفيهوش خلاص
لقلب حبك وانجرح
يوم الفرح
لما شافك وانتى لابسة
فستان فرح
ليلة فــــــــــــــــــــــــ رح
رد مع اقتباس
