خايفه تشيل الظعبوط

عايش في سرك وغابه
دنيا غريبه خرفان وديابه
والديب بس إلي مبسوط
وكل الخرفان لبسه ال ظعبوط
ماشيه حوليه تقول توتو
وكل إلي يقول يقول مظبوط
ولما الديب يجي يموت
إتفرج على الغلابه
على ما تيجي من الظلم تفوت
ويعلا ليها صوت
يجي زعيم الغابه
يجيب واحد من الغلابه
يديه القصر ويديه النصر
فيقله طب والغلابه
يقله قول الديابه
فيغير جلده يبدل شكله
ويعمل حوليه عصابه
وترجع تاني المسيره
وتموت في البرج الأميره
علشان الخرفان
راضيه بالظعبوط
وخايفه تقول غير توتو
خايف تشوف النور تموت
راضيه بالضلمه
وراضيه بخيوط العنكبوت

الأخت الكريمة/ دنا أحمد

نصك جميل المعنى لكنه غير مكتمل المبنى، من حيث الوزن الشعري.
فاسمحي لي بنقله إلى قسم درب الإبداع ليأخذ حقه هناك من التوجيه والنقد البناء.

ولي عودة للنص إن شاء الله.

تحياتي وتقديري.

العزيزه/ دنا أحمد
هو رجاء صغير بس من أخوكي
ياريت تصبري على كتاباتك لما تراجعيها مرة او مرتين بتأني قبل ما تطرحيها
وزى ماقالك استاذنا مصطفى انتى موضوعك جميل وفكرتك ممتازة وتعبيراتك رائعه ولكن المشكله ف الوزن عندك مش تمام قوى

واسمحيلي لو تمشي على وزن زي دا مثلا يكون افضل

عايشين ف سرك وغابه
خرفان كتير.. وديابه
تاكل ف لحم الغنم
فايتين مراره وألم
ووعود كتير ..كدابه

هيكون الوزن أقرب للصحه ودا من وجهه رائيي ولكي ان تختاري

تقبلي مرورى

أخوكى المخلص / أحمد موسي

نعم الاراء اختي ولكن يبقي المعني له وقع علي الاذن موصول بالقلب


توت توت
خالد الهواري