ابوذيات عراقية/د خليل ابراهيم
و انا احتار
اتيه بغربة فراقك وانا احتار
وتشب النار بضلوعي وانا احتر
لاظل ابكي على وصلك وانوح تر
متى تعودون يا احبابي اليه
12/6/2007
و لا مال
ترف قلبي محب غيرك ولا مال
ذخيرة ما بقت عندي ولا مال
أنا قطعت الرجا من وصلك ولامال
من اتلا قيت والعاذل عليه
27/8/2004
و اندار
فدوه لك يا حلو الطول و اندار
و انا مثل الذهب ما موجود و اندر
إذا تغير عليك الوكت و اندار
معزتك بالقلب ذيج هيه
12/12/2008
ليالي جفاك مرن عليّ مرات
إذا مرة غلطت انت غلطت مرات
لو طيوفك علي بجفن مرت
ترد الروح بعظامي البلية
30/12/2008
بست وجناتك يحلو الطول بوستين
و زرعت العمر لعيونك بسايتن
نطرت سنين وصلك و انت بس تان
دقيقة و ازعلت راسا عليه
31/12/2008
ينازلني الدهر بصروفه وانازلها
وقضيت العمر تعصرني وانز الها
و تجي العثرات بدروبي وانا ازيلها
و لا انطي الكسيرة و الدنيه
1/1/2009
يها التسأل عن أجدادي و أنا من
أنا الحسرات فرشني و نامن
متى يا عراق تتحرر و نامن
و كل أرواحنا لارضك فدية
30/1/2009
ترف همنا بغرامك و انتهينا
ويعذبنا هواكم و انت هينا
شوكت نحظى بوصالك و انتهنا
واشوفك جنة الحب الزهية
30/1/2009
رمد ياهواي بعيوني وشلتك
سقيتك فيض ياالتمنع وشلتك
جرحي لوثه ضمادك وشلتك
تورم وانفتح جرحين بيه
30/1/2009
زرعت العمر برياضك ورد لك
و دمع عيني اذا تعطش و رد لك
شوكت تعود يمحبوبي وارد لك
وننسى الي مضى ونرجع سوية
د خليل ابراهيم عليوي
12/2/2009
رد مع اقتباس
المشاركة الأصلية كتبت بواسطة أحمد موسي
