أولادي ثلاثة مازن ومحمد ومحمود
كل أطفال العالم بيلعبوا عريس وعروسة
إلا أطفالي بيلعبوا عرب ويهود
مازن أول السنة راح المدرسة
أول يوم كان مبسوط
ثاني يوم كانت دموعة على خده خطوط
قال يابا علمونا الحساب والهندسة
وأنا بدي أتعلم أرسم لفلسطين حدود
في الخريطة أسم أسرائيل موجود
وغزه والضفة نقطة في بحر والباقي كله لليهود

’’’’’’’
رد عليه محمد وقال
لا تبكي على من فرط في أرضة وباع
حقي وحقك ما ضاع
جدي وجدك ما خان ولا باع
حتى لو قتلونا اليهود خلينا ورانا أخونا محمود

’’’’’’’’
رد محمود
أتعلمت من لبن أمي كيف اكون موجود
ومتى أوعد
وكيف أوفي بالوعود
وشربت من عرق أبويا الصمود
وقريت في كفه كيف تكون لفلسطين حدود
بغير النار والبارود لا يمكن يرجع شيء مفقود
فلسطين أعظم شيء في الوجود
فيها الأقصى ثالث الحرمين موجود
حتى الصلاة وضعوا عليها قيود
والشعب العربي
أكثر شيء عملوه
كانوا علينا شهود
الله يخلي لفلسطين مازن ومحمد ومحمود.

ابو مازن