ماغبتيش عنى
************

سافرت كتير بعدت كتيـر وصورتك عايشــة جوايا
يا ام الدنيا ياحيـاتى يا اجمـل قصــة وحكايــة
يا ارضى وعرضى وترابى يا شمس منورة سمايا
ده اسمك كلمة فى شفايفـى بترسـم احلى ضحكاية

..............................

ماغبتيش عنــى يا بلادى يا روحى وقلبــى وكيانى
ولو هياخـدنى مية وادى هشيلــك جـــوة وجــدانى
ونبضى وصوتى هينادى يا مصر يا أمى واحشانى
ده حبى ليكى مش عـادى يا فرحــة بتمحى احزانـى

************************

أخدتى فى حضنك أخواتك وعمرك يوم ما سبتيهم
فى عز ما يبقــوا جارحينك بالأحضــــان تضميهـم
حاربتى كتير وبتحاربى وهمــــا يقولــــوا بعتيهــم
ده شاهد ع الكـــــلام ربى بأنــــك يامـــــا شلتيهـم

************************

يا مصر يا أمى حاسين وعارفيـــن أن ظلموكى
ماتفتكريش عشان ساكتين ولادك يوم هينسوكى
ولادك عايشة جواهم بأغلـــى الغالـــى يفدوكـى
يهزوا الأرض لو شافوا أيدين بالغدر يرموكــى

************************

يابلدى مهما هيقولوا مكانك فى القلوب عالــى
حضارة وعزة وكرامة بيصنعوا مجدك الغــــالى
شهامة كبيرة وعروبة ماقولتيش مرة وأنا مالى
مواقف لو هينسوها هينسوا تاريخهم الخالــــى

*************************
******************
********