وأقولك ليه وحشتينى
.......................
..............
.......

وأقولك ليه وحشتينى ؟؟؟؟

ما كنت زمان بقولهالك
وأحس بلهفة للقاكى
وأقول يمكن تحسيينى
ومهما الدنيا تشغلنى
أسيب الدنيا علشانك
لو أنتى فى لحظة نادتينى
لا كان هاممنى أحزانى
ولا فى الدنيا شئ تانى
رضاكى وحده يكفينى

وأقولك ليه وحشتينى ؟؟؟؟

ما أنا حسيتها مية مرة
وكنت بقولها من قلبى
وكنتى مصرة تنسينى
ده أنا كنت ما بقدرش
اسيب ساعة تفوت بى
وصوتك مش مدفينى
وكان حبى بيدبحبى
وأسيب قلبى ما بين إيدك
عشان يمكن تضمينى

وأقولك ليه وحشتينى ؟؟؟؟

ما أنا إتعلمت من قلبك
هخبى مشاعرى جوايا
وأدوس على شوقى وحنينى
وهكسر فرحتى بإيدى
وهحضن دمعتى وحدى
وهعتبرك فارقتينى
ولو بعدك هيتعبنى
أكيد هبعد بعيد عنك
عشان قربك بيكوينى

وأقولك ليه وحشتينى ؟؟؟؟
........................
...................
..............