زفة جاسوس

.زفة جاسوس

فى وطن بينخُر فيه دود الخراب والسوس
فى زمن ريحة الفساد والعفن طايلة كل الروس
بتبقى الحقيقه غريبه ويتيمه
وصورة الكدب زى الشمس واضحه
ونبض الصدق هوَّ اللى مش محسوس

بيفضل خلف قضبان الليمان
لآخر الزمان بطل محبوس
عشان قال ايه كان قتَل فى يوم خاين
قَبَل يبيع المصير والضمير والشرف
بتُراب الفلوس
ويفتح السَّجان كل البيبان من قبل الأوان بزمان
ويخرج بزفه مُعزَّز مُكرَّم مجرم جاسوس

يا شعب يا نايم مغمض عيونك
وسادد ودانك
وخيبتك قويه
عايش وساكت مِرَيَّح ضميرك
وسايب مصيرك مَرتَع لغيرك
وِسِيَّه وتِكِيه
لإمتى ح تفضل مِآمن مسالم
مِسَلِّم بإيدك مفتاح القضيه
وقابل تشوف حرّاَس الحدود نَشَان لليهود
وقابل كمان بدون اعتراض أو حتى امتعاض
تِبادل ولادك بواحد جاسوس
اسكندرانى
10/12/3004