أهُم سرقوا خلاص خطاويك

جميل هذا البوح يا دكتور إكرامي
واسمح لي بهذه الخربشات
تحياتي

أهُم سرقوا خلاص خطاويك
هتعمل إيه يا شيخ مستور ؟
يا راضي بنص لقمة عيش
وعايش في النكد مسرور !!
أهم سرقوا خلاص خطَويك
هتعمل إيه بقه برجليك ؟!
هتمشي لْهم على كيفهم ؟
وتحسب إن طول صمتك مكتفهم
هتمشي ولاّ راح تقعد ؟
ولو طال القُعَاد برضه أهم ماشين بدال منك
لأنك باختصار رافض يكون لك دور
وحابس في الضلوع خوفك
وقاتل في العيون شوفك
وميت صرخة تموت في الزور
ودايرة الساقية يا صاحبي
وحابب إنك إنت الطور
تموت بالصبر ميت مرة
ويتغير ميتين دستور
ويتحسّر كتير قلبك
فتتغمى بهموم غلبك
وأهي الدايرة عليك بتضيق
كما الساقية عليك بتدور !!

مهيش بيعة ولا شورة
وانا زيك ولا حول لا قوة
بنام واصحى على الجبروت
دراعيني ضناها الموت
وانا ساكن دراعينك
يا فايتلى حدود وحدود
أنا وللا عدوينك؟
هتقعد مستعد أحكي
هتمشي مستعد أمشي
وممكن دمعي يغلبني
أنا خايف ومضمنشي

الحبيب إكرامي دمت دائما لكل ما هو جميل ومبدع

جذبني العنوان
ثم فحواه
تحية لقلمك اللطيف

اخي الشاعر اكرامي قوره

ياهلا فيك منور القسم ياهلا وغلا

نص جميل وكالمعتاد متألق

سلمت روحك وسلم قلبك

رعاك الله

الشاعرة الرقيقة المبدعة
نادية حسين

سلمت ودام رقيق مرورك

ممتن لجمال التعليق

تقدير أخيك

العزيز / اكرامى قورة
وكعادتك جميل متميز فى كافة الاشكال
قوى عندما تكتب الفصحى
وخطير عندما تكتب العاميه
كلك على بعضك حلو
تقبل كل تقديرى
واحترا ماتى

الرائع / إسلام محروس

مرور ولا أروع
وإطراء يسعد النفس ويخجلها

محبتي واحترامي

إكرامي

دائماً تجبرني على الإعجاب بكل ما تكتب !

دمتَ هكذا

!

اهم سرقوا خلاص خطاويك
فعلا د / اكرامى
خطاوينا اتسرقت وادينا واقفين بنتحسر
نتمنى من الله ان يقذف فى قلوبنا القوة
حتى نبدا من جديد خطوة الى الامل
دااااااائما تمتعنا بروائعك
دمت مبدعا واستاذا
تقبل تحياتى وتقديرى

أبا كريم
هكذا سيكون دائماً تعليقى
:NJ::NJ::NJ::NJ::NJ::NJ::NJ::NJ:

بكل الود يا صاحى
وائل القويسنى

أهُم سرقوا خلاص خطاويك
هتعمل إيه يا شيخ مستور ؟
يا راضي بنص لقمة عيش
وعايش في النكد مسرور !!
أهم سرقوا خلاص خطَويك
!!

دى حتى اللقمة يا دكتونر
خلاص مابقتش بالساهل
وكل اللى وقف فى طابور
يجيب عيش قول له تستاهل
لأن الخايف المذعور
بيبقى فريسة للجاهل !
0000000
مداخلة ع الماشى يا دكتور
إكرامى قورة
دمت مبدعا

د اكرامى
للاسف مش بس شيخ مستور ال اتسرقت خطاويه كلنا اتسرقنا وبايدينا
وياريت خطاوينا بس ال اتسرقت
لكن مع الاسف كل شيئ اتسرق وبيتسرق ادام عنينا واحنا بنتفرج عليهم وهما بيسرقونا
حتى واقعنا الاليم اتسرق واحلامنا صعب عليهم حتى يسيبونا نحلم
وصحيح كل حاجه اتسرقت مننا بايدينا لاننا احنا ال سمحنا ليهم يسرقونا احنا ال سكتنا ولسه لغاية حالا بنسكت وهنفضل كدا ساكتين لكن مش كتير
اكيد هيجى الوقت ال فيه هنبعد عن السكوت ونتكلم وساعتها هما ال هيبقوا مجبرين يسمعونا
اكيد اليوم دا قرب
عندى سؤال:
ياتري ايه ال فاضل لينا و لسه مش اتسرق منا؟
ياريت نبدا ندور على كل حقوقنا او ال فاضل لينا منها
ونحاول نحافظ عليه كفايه كدا
اعتقد اننا خلاص تعبنا من كثرة السكوت
اعتذر عن الاطاله
تقبل تحياتى