|
|
العين هلت دمعها من عناها |
والقلب يبكي بالضلوع المحابيس |
| وينك حبيب الروح تمسح شقاها |
وينك نديم الليل تضوي فوانيس |
| الروح بيدينك حبيبي دواها |
والقلب ينبض بك شعور وأحاسيس |
| انت الرجا لو هالليالي رجاها |
خيَّب بعيني واظلمت بالدواعيس |
| ليتك تطبب روح داخل حشاها |
متقطعه عشقٍ بليا مقاييس |
| ليتك تجمل يوم ربي نواها |
يومه كتبنا بين لوح النواميس |
| نفرح بعد ماتنجرح في خطاها |
اقدامنا ونضيع بين المتاعيس |
| نفرح وتتلاقى فعالي سماها |
ارواحنا وتهيم مثل القرانيس |
| نروي تعب روحٍ عنت من ظماها |
نشرب زلال الحب صافي بلا قيس |
| البارحه عيني تقاطر بماها |
من خوف قلبي كدرتني الهواجيس |
| ادعي عسى من هو بروحي غزاها |
وحرق قليبي فوق جال المحاميس |
| إنه يلم ضلوع من هو براها |
بري القلم يوم انحنى بالقراطيس |
| ينزف جروح البعد ينثر شظاها |
بين السطور حروف شعره معابيس |
| حبك سطا بالروح غصب وقصاها |
ألمس بقلبي مثل وخز الدبابيس |
| العين لو نامت حبيبي بلاها |
بعض الحلوم اللي تهد بكوابيس |
| يامتلفٍ بالعشق حالي رثاها |
في غيبتك ربعٍ شكت بالمجاليس |
| ماعاد بي صبرٍ وروحي قضاها |
العشق كله يالعيون النواعيس |
| وش فايدة دنياي دونك تراها |
من غير وصلك عيشتي كالمفاليس |
| طلبت ربي يوم روحي عطاها |
الحب كله والهنا والتئآنيس |
| إنه يكمل فرحتي مع هناها |
وازف روحي لك وقلبي معاريس |
| ياقسمة الحظ الردي مارضاها |
تكمل وعاودني بهمٍ وتنكيس |
| العين تبكي صبحها مع مساها |
والقلب يمم مع هبوب النسانيس |
الضلوع المحابيس
رد مع اقتباس