هتفضـــل حبيبــــــــى

أكيد انت عارف بإنك حبيبى
وإنك حروف الكلام ف القصيدة
وإنك قصيدتى اللى جاية ف خيالى
وإنك ف بالى
وبدر الليالى
وبسهر ليالى أفكر ف حالة قلوبنا اللى دايبه
ف حالك وحالى
وقادر ياربى تجمّع مابينا
ماتبعد قلوبنا وتسعد قلوبنا
تحقق سؤالى
أكيد انت عارف
بانى بحاول أخبى اللى بيا
أخبـّى المشاعر وشوقى وحنينى
ولكنى باغلب
فيغلبنى شوقى
وتفضحنى عينى
باخبـّى كلامنا لشوقنا ياخدنا
فتبدأ عيونا تقول ف الكلام
فخاف حد يعرف
ومين اللى هيشوف عيونـّا وما يعرف؟!!!!
بحبك وعارف
بحب المذاكرة واحب الكتاب
عشان جو منهم كتير بلقى إسمك
فاخطط واعلم
وأرسم قلوب
وإسمى وإسمك
وحرفى وحرفك
وبينهم بحبك
وفيها بدوووب
أكيد انت عارف
وحاسس وشايف
بهمس الشفايف
وقلبى اللى خايف
فيجرى لقلبك ويتحامى فيه
فحبك يقويله ضغفه اللى فيه
ويزرع ف قلبى الأمان والحنان
فبملى عيونك بضحكة عيونى
ويبقى سكوتك كإنه الكلام
كإنه الكلام اللى قاله اللى قابلك
وقبل اللى قبلك ف قصة غرام
وقلبى يقابلك ف كلمة بحبك
وقبلك يا قلبى محستش عينى بمعنى الأمان
فخليك معايا وخلينى جنبك وإيدى ف إيديك
هنبنى السعادة لكل اللى جىّ
هيفضل هوانا اللى جوانا حىّ
هتفضل حبيبى وهفضل أحبـك
وهفضل أقولها
بعينى بقلبى
ف سـرّى بلسانى
هتفضل حبيبـى
أكيد انت عارف بإنك حبيـبى

بصراحة [ هتفضل حبيبي ] جميلة ..
عواطف جياشة , ومشاعر ملتهبة .. وأمنيات .. وآمال ..
وود .. ورجاء .. وإخلاص .. ووفاء ..
كل هذه العواطف في ثنايا قصيدة غنائية .. لازم نقول [ برافو ]
خالص تحياتي
نبيل مصيلحي

همت مع هذه الكلمات
لانها تنبع من احساس حقيقي:NJ:
لكن مايؤخذ عليك في هذا العمل
الشرح
لابد ان تعطي للقارىء
مساحه للتأمل
مع الشكر"هيثم منتصر"

	فتبدأ عيونا تقول ف الكلام فخاف حد يعرف ومين اللى هيشوف عيونـّا وما يعرف؟!!!! بحبك وعارف بحب المذاكرة واحب الكتاب عشان جو منهم كتير بلقى إسمك فاخطط واعلم وأرسم قلوب وإسمى وإسمك وحرفى وحرفك وبينهم بحبك ابنتى الغالية الهام سجلى فرحتى هنا بعملك الجميل نص به حركة ومشاعر نص مفعم بالحس تحياتى

الهام انتى شاطرة وهتبقى شاعرة مميزة
القصيدة دى بداية جديدة

بسم الله ما شاء الله
هي دي البداية الصحيحة قوي لشاعرة متميزة وصاعدة إن شاء الله
القصيدة ممتازة ولازم أسجل إعجابى بها من أول قراءة
برافو

الهام...

اصرار جميل...
اسميه تمرد على المعهود السائد..
اتمنى ان يفضل..
لكني اتمنى ان تفضلي انت بخير

محبتي لك
جوتيار

الجميـلة إلهـام

يا لهذه الرومانسية المترعة بالروعة !!
سعدت بـمروري هنا

كوني بخير

بصراحة [ هتفضل حبيبي ] جميلة ..
عواطف جياشة , ومشاعر ملتهبة .. وأمنيات .. وآمال ..
وود .. ورجاء .. وإخلاص .. ووفاء ..
كل هذه العواطف في ثنايا قصيدة غنائية .. لازم نقول [ برافو ]
خالص تحياتي
نبيل مصيلحي

شكرا استاذ نبيل على مرورك الكريم
وعلى هذا التعليق فدائما تشجعنى وانا سعيده حقا بهذا المرور الكريم
دمت لنا مبدعا ومعلما

همت مع هذه الكلمات
لانها تنبع من احساس حقيقي:NJ:
لكن مايؤخذ عليك في هذا العمل
الشرح
لابد ان تعطي للقارىء
مساحه للتأمل
مع الشكر"هيثم منتصر"

شكرا استاذ هيثم منتصر على مرورك الكريم
وعلى تواصلك مع القصيدة وشكرا لنصيحتك باذن الله ما ياتى
يكون افضل ويعطى مساحة للقارئ للتامل
شكرا جزيلا وانتظر تعليقك على الاعمال القادمة