عنــــوان للبقعــه الطاهــره

فنجـــان القهوه
إتــرص فى طوله
الشمع
والدمع بينزل منك
يغسل فيك
والنور الظاهر
خايف خوفك
بينور بس
لــ بره حدودك
ونا سيـك
مجافيك الحب العذرى
إحساس وما ليــك
وبتاخد الليل وياك
لمنين ما تروح
الروح
تتعلق بحبال الدنيه
الدايبه
همس الاوقات الفارغه
باعت لك همس
وبينده ليك
وبلاد
ملهاش عنوان عيزاك
تفضل على كرسى القهوه
سنين
وسنيين
عناوينك زى ما هيا
الشارع
و
الكوبرى
اللى بيوصل بيك
لليل
و
لـ بكره
و
بعــده
و
بـرضــو
بيرجع بيك
هو انت بترجع بيه ؟
ولا انت بترجع بيك؟
ولا انت بتهرب ديماً
من كل ما فيــك
فى عنيك
مكتوب إن انت
رسول الكلمه الحلوه
والضحكه الصافيه
فى عنيك
مكتوب إن انت
النوته الموسيقيه
والغنوه المنسيه
عنوان للبقعه الطاهره
وف كل الكتب الدراسيه
معمولك درس
الناس تتعلم منه
يا غريب
يا غريب عن نفسك
اتعلم منك حاجه احسن لك
هوا احنـــا هنتعلم ليك ؟
ولا انت هتتعلم لـ ِ أهلك ؟
ولا انت هتفضل قابل بختك ؟
و
هترجع
للشارع
و
الكوبرى
اللى بيوصل بيك
لليل
ولـ بكره
و
بعده
و
برضــــو
بيرجع بيك
هوانت بترجع بيه ؟
ولا انت بترجع بيك ؟
ولا انت بتهرب ديماً
من كل ما فيك 000
0000
0000
محمــد ممدوح خيرالله

الخوف بيعدى طريق النور
والضلمة هتقتل كل سرور
ولفين هتدور
ولفين هتدور العجلة الواقفة بقالها سنين
وسنين عايشين
وهنعرف بس طريقنا منين
م الضلمة العتمة مصاحبانا
والقهوة بقت هى المشروب
علشان راح تسهر طول الليل
ف نواح وعليل
هربان من نفسك
ولا الخوف مدارى ف ياسك
اخرج من كاس الخوف والليل
هتلاقى النور والخير والخيل
وتلاقى النسمة بتلاعبك
والشمس ف نورها بتضمك
وترجع ليك الضحكاية


الشاعر الرائع احسن لما كتبت
قصيدة رائعة واحساس شاعر
تقبل خلص تحياتى واحترامى