صباح العيد..

كل عام وانتم بخير


صباح العيد...
قصيدة لم يخطها قلمي بل نسجها قلبي
على لسان طفلة يتيمة....




محرومة صباح العيد من ضحكة هالاطفال

مبروك ... اسمع ونار تشتعل فيني



مثل غيري يعطوني

احس انهم يواسوني

خالي يمسك ايديني

يقبلها ويواسيني



ياخالي لاتمسح الراس

ياخالي ماتنسيني

ياخالي الزمن قاس

وجروحي تداويني



سنيني اولها الونين

ضاع الابو وضاع الحنين



وباقي ذكرى لاتزال



ياخالي البيت خالي

تملاه حزن الليالي



ومنهو يحل هالسؤال؟



اسمه بدفتري مكتوب

اسمه بقلبي مقلوب



ومنهو يحل هالسؤال؟

في البيت اتذكر

يابوي ريحة امانينا

وبالفرحة اتنكر

لجل ننسا ماضينا



هنا تجلس تجمعنا

تحاكينا وتتبختر

هنا تجلس تعلمنا

معنى (الله اكبر)



على شفاهي توقف شمس اعانقها واناجيها

يابوي رحت وانا العبره .. وكل لسان يطرينا

حكاية وماتت البسمة

واسناني هي الرسمة

هذي الاقدار والقسمة

ولاندري بخطاوينا




شكراًَ

:
شعر يملؤه الحزن ..ولكنه جميل .
سلمت ودام حرفك

تقبل خالص تقديري وتراتيل ورد

يسعدني مرورك سحر الليالي
شكراًَ

تأثرتُ بالنص كثيرا ... صح لسانك ...

اسمه بدفتري مكتوب

(اسمه بقلبي مقلوب)

.. كيف يكون اسمه مقلوب ؟

دمتَ بخير ..

شكراًَ على مرورك
اسمه بقلبي مقلوب
وهذا لانه ليس على قيد الحياة
فالاسم حتماًَ في قلبها مقلوب

تحياتي مجدداًَ لك