صباحك شعر يا ( جندي )
يا يا ابن النيل
يا فلاح الأرض يا خليِّ
و أخلاقك فواكه طازه
فواحه بكل جميل
يا نبع الدفء ما تخلي
ما بينا ( طوبه ) * تاخدنا لبرد الروح
و لا ( أمشير ) * يباغتنا بشوك الخوف
و لا ريحة الغضب تمسك
تلافيف العرب
تاكل براءة الشوفْ
صباح النور
على حرفك
و أشعارك
و مشوارك عظيم الشان
لا مرة قلت عن واحد
و لا مره رميت غايب بشوكة قول
و أشعارك بتدخل ف الوريد
تسكن و لا تخرج
لأنك فى الورى صادق
عرفتك مصري متوضي بضوء الفجر
و تصلي صلاة البوح
و انا الواقفة أشاهد
قلبك المليان بخير الله
يوزع مية المحاياه
على كل البشر ، عاشق حروف الحب
بتغني على شط العرب و تقول
فينده لك صلاح الدين
يا شاعر صحي ما تخلى هنا نايمين
و خد بايدهم الى حطين
تلاقيني هناك واقف
و مستني أشوق الأقصى يتحرر
و لا يمكن هيتحرر
سوى بيكم
فقول الشعر يا جندي
صباحك الورد يا خلي صباح النور
أختك
ايمان عبد الله
( بنت النيل )
* طوبه و أمشير شهران قبطيان فى مصر
رد مع اقتباس
المشاركة الأصلية كتبت بواسطة حسام القاضي
