يا روح شمس النهار. تعبان

خدي إيدي
وميلي زرعة في عنيه
يا غالية..
يا ابتسامة جسمي لما بينتشي جسمي
وضحكة قلبي..
والعطر اللي بترشه قزازة العطر في إيديه
..
يا روح روحي
يا مصر..
الطير في قلبي كله بيحبك
واذا طارت حمامة منه يا بلادي بعيد عنك
بتجرحها غناوي القرب في بعدك
وبيغني بياض لونها
مواويل الأسى المزروعة في إبنك
يا أحلى بلاد ..
طيوري للجمال قصاد
وقاصداكي
وفين ما تروحي يا روحي أنا معاكي
ولكن لي عليك عتاب


أنا من صغري يا بلدي وأنا واقف هنا ع الباب
بانادي أهلك الناسيين
ولا يردوش
واقول: "حاجة؛ دا انا مسكين
ونفسي أعيش
ومن صغري..
وأنا ع الباب
ولا عمري دخلت الباب
عشان أهلك ما بيردوش
وفي دورهم هناك قاعدين
وأنا واقف هنا مسكين

يا روح شمس النهار
......................... تعبان
ونفسي ألقى في حضنك
ولو لقمة وانام في مكان


أنا إبنك..
ودمي كله من صدرك
وفي عنيه أساميكي
وترنيمك
وأشجانك
وفوق دا ودا سنين عمرك
ومهما رحنا أو جينا
هتبقى مني والله وانا منك

أنا يا مصر يا روحي
ومهما كتمت أو
فجأة لقيتك مرة بتبوحي
باحبك موووووووووووووت
ولكن لي عليك عتاب
أنا من صغري يا بلدي وأنا واقف هنا ع الباب

مصر فتحالك ببانها
واحنا فتحنا ابواب قلوبنا
اتفضل ادخل بحرية
والمس جدار القلب
وخد بلمسه ايدك محبة
عطر بها وشك
وانطرها على جسمك
ريحة محبتنا حبة من ريحتك
شجر المحبة طرح
حب وامل وحنان
كل اما تيجى ف يوم
تلقى الشذى الوان

مودتى ومحبتى دمت بسمق

بوح جميل ..
مرحباً أخي علي سالم الصالحي
خالص تحياتي
نبيل مصيلحي

مصر فتحالك ببانها
واحنا فتحنا ابواب قلوبنا
اتفضل ادخل بحرية
والمس جدار القلب
وخد بلمسه ايدك محبة
عطر بها وشك
وانطرها على جسمك
ريحة محبتنا حبة من ريحتك
شجر المحبة طرح
حب وامل وحنان
كل اما تيجى ف يوم
تلقى الشذى الوان

مودتى ومحبتى دمت بسمق

يا صاحبي متشكر..
والله متشكر
وكلام سيادتك هنا
في القلب بيعطر
أركان فؤادي وأنا
داير به وكأنه اي صاحبي كان مسكر

بوح جميل ..
مرحباً أخي علي سالم الصالحي
خالص تحياتي
نبيل مصيلحي

شكرا يا عم نبيل
على زيارتكم
ويا رب يكتبها
تاني لصاحبكم

رائعة حقاً أخى على سالم


نزرع فيك يا مصر بدموعنا

وتنبت أحلامنا جواكى

ونعيش نغنى أشعارك

على زفة المواويل

ونقول يا عين يا ليل

وانت فتحلنا ابوابك

بتحضنى أحلامنا بآمالك

ونفرح بعيدك

ونزرع لربيعك

ونقول السنين حترجعنا

لشوق بينا

ونبنى قصورنا فوق رملك

انا عارفة حيسعنا

بأحلامنا

ويبنيها كمان ويانا



مشاركة متواضعة على قد الحال من أختك منى

دمت بكل الخير والود

الله الله
جميلة دائما اشعارك عاميه او فصيح
استاذ بجد بجد
لك الود

رائعة حقاً أخى على سالم
نزرع فيك يا مصر بدموعنا
وتنبت أحلامنا جواكى
ونعيش نغنى أشعارك
على زفة المواويل
ونقول يا عين يا ليل
وانت فتحلنا ابوابك
بتحضنى أحلامنا بآمالك
ونفرح بعيدك
ونزرع لربيعك
ونقول السنين حترجعنا
لشوق بينا
ونبنى قصورنا فوق رملك
انا عارفة حيسعنا
بأحلامنا
ويبنيها كمان ويانا
مشاركة متواضعة على قد الحال من أختك منى
دمت بكل الخير والود

وقد الحال هنا كافي
ونوره مغطي وموافي

وشاكر حبك الدافي
لمصر الغالية يا أختي

الله عليك يا مصر
يا أم الدنيا
لقد زرتها وعندما رجعت
منها اشتقت تاني ليها
كلامك جميل عن الغالية مصر
بلد الطيبة والمحبة
تقديري
ينابيع السبيعي

الله الله
جميلة دائما اشعارك عاميه او فصيح
استاذ بجد بجد
لك الود

ولك ودي أنا أكتر
ما دمت أديب وإحساس الفنون في لهجتك يظهر