ليه شديت يا حلمى ركبك وقلت ناوى عالرحيل ؟؟؟

وخدت ايامى ...واحلامى ...خدت معاك عمرى الصريع..

خطفت الضحكة من قلبى وقلتلى خلاص حبيع...



حبيع الماضى بالحاضر ...وحسبلك قلبك وجيع ...


عدت حروفى بين ايديا وروتها

بدمع شكل قسية وخوف فى بيتها



بكيت خطايا عليا وهزيت دموعى

ولقيت الخوف اللى فيا بيطفى شموعى

وشفت حلمى بين ايديا بيتمنى رجوعى

حتى القسوة اللى فيا طالبة خشوعى...



وقفت لملمت اللى باقى من قبورى

نويت اسافر ويا حلمى ورايحه ابنى معاه قصورى




ويمكن تكون يا حلمى صعب المنال

يمكن تكون كمان بقيت محال ......


بس املى اللى فيا رافض يموت

كاسر الحزن اللى بيا ومش راضى بسكوت

ووردة اللى فيا عماله تموت...

دايره بتلم القسيه من البيوت...


عايشه تتمنى رجوعى ويا حلمى

عايشة بتغنى للى ليا جوه دمى

عايشه سمعاها بتصرخ وتقول بغنى ...



حضروا اكفان غنايا ومسك فنى .....

سمعتها وسط الآهات بتقول خلاص

رجوع الحلم ليا هو الخلاص ...


خلتنى اعجل باللى باقى من خطايا

خلتنى الحق اللى فاضل من غنايا.....


ووصلت لحلم عمرى وكلى شجن

عماله اعاتبه بالفراق وبالالم

وهو بيرد بجفا مش بالندم ...



خلانى من كتر البكا خلاص حموت....


خد من دموعى واطفى بيها نار قساك

خد اللى باقى من حنينى واقتل معايا جفاك...


ارجع لقلبك....لحبك....لبحور هواك

تعالى ولبى ندايا...واروى وردتى

تعالى وامسح خدودى من دمعتى

تعالى ده شوقى داب من لهفتى




وشفت فى عيونه باينة نظرة قبول

خلتنى ابكى من السعادة من السرور

طرت وناوية اسابق كل الطيور ....


اضحك ....وافرح ....اكيد ساعتها حثور
راجعة بعلن للكل انتصارى

راجعة فرحانة بتنفيذ قرارى

وبقول يا ناس .....


ده هو اختيارى.....