عُكشه العتامه والندامه ..

عُكش العتامه والندامه ..!!
ـــــــــــــــــــــــــ ــ
قلبي حاسس إن دي يا عكش منك تمثيليه
بس خلينا نعيشها يا عكاشه واقعيه
تمثيليه / واقعيه
واقعيه / ثمثيليه
مش مهم .. تكون هفيه ..كوميديه
دا انت طول عمرك رزيه
تفتي ما يهمك وتتجرأ على كل الخلايق
عقل رايق ..
فته فيه على مولوخيه
ملخوك ساعة الآدان ..
ما تلاقيلك أي ديِّه ..
أو رباط يلحم مفاصلك .. يا رزيه
يا عكاشه ...
م الوحاشه شالوك بماشه
بعت أرضك
بعت عرضك
بعت وطنك
بعت ناسك
قول بكام ..؟!
قول شالوم خليك حاخام
إسرائيل دلوقتي حلوه
شكلتايه مشكلته ومهلبيه
إمتى كانت يا عكاشه حمام سلام
دم شهدائنا في سينا لسه طازه
حتى يوم الدين يا عكشه
ولا ناسي كرههم للمسلمين
ولا ناسي مكرهم لقتل ( طه )
ولا إيه .. ولا إيه
يا عكاشه روح وطبَّع زي غيرك
م اللي هُمَّه ..
مات ضميرهم ..
نسيوا أمس ونسيوا يومهم
يا عكاشه إنت منهم ..
نفسك الشهره اللي هيَّه ..
شهرتك صبحت خيانه
ع الطريقه الأمريكيه
مهما قلت ومهما عيدت
وشك الأصلي وبان
قول يا نداغ اللبان
يا عكاشه يا أولعبان ..
ــ

أثبت أنه خائن وأهبل وباحث عن الشهرة
إن سعيه للشهرة وصل به للعبث بالأمن القومي المصري
لا بد أن يحاسب حسابا عسيرا ، وتسقط عضويته من البرلمان
ويحال للتحقيق.
سلمت يداك لقد قلت فيه ما يستحقه
ماذا تتوقع من رجل وصف نفسه قائلا : أنا حمار.
سلمت يداك، ولك تحياتي وتقديري.