خـُد م الآخر .. شعر غنائي .. نبيل مصيلحي

خـُد م الآخر ..!!
ــــــــــــــــ
إنت مالكش ف قلبي مكان
ولا في عيوني لك عنوان
إنت عملت بأصلك فيَّا
بعت غرامي في سوق الغيَّه
إيه خلاك تلعب كده بيَّا
مين وصاك تعمل كده فيَّا
إنت مالكش ف قلبي مكان
ــــ
شوف الورد في وش الحسن
شوف أد ايه طيب وجميل
عمره ما كشَّر ولا بيظن
يتبسِّم بسمته قنديل
مين حلاه ..
مين وصاه
مين خلاه مليان حنيَّه
إنت مالكش في قلبي مكان
ــــ
ياللي هويت الهجر بكيفك
واستعذبت تعيش وحداني
ياللي قتلت ف قلبي وليدك
كان راح يبقى ملاك في زماني
مين وداه ..
عني رماه
ضاع كده مني ف لحظة غيَّه
إنت مالكش ف قلبي مكان
ــــ

بوح شجي ندي بهي ـ حس مرهف رقيق وعزف يطرب الذائقة
رائعة شعرا وشعورا وحرفا وقافية
دمت مبدعا متألقا.