قصيدة : إبليس بقلم د. هاني ابوالفتوح

ابليس
ابليس بعينه
بشره بناره وبلونه
ابليس
وغيره أبالسة كتير
ابليس لا تسأل
ولا تطلب التفسير
الشر جوة عنيه
والدم سال ف ايديه
والغل منه يطير
ييجي ف صورة ارهاب
ييجي ف شكل كلاب
وقصة متكررة
من اول الحملات
لآخر الاساطير
مكوي بنارها اليوم
عشان سكتنا كتير
ارهاب بيقتل ناس
لا دم لا احساس
مكتوبه عالابرياء
شاربين مرار الكاس
وقت الصلاة كانوا
ولا ف بيت كانوا
ولا ف غيط هانوا
وقت القدر يختار
في لحظة يبقى فطيس
وينبسط ابليس
مفيش تمن يا اصحاب
يا براءة بعد غياب
ياصفحة نطويها
ماهو الكبار قالوا
ابليس مالهش حساب
الحق عندالله
واللي اتملا أحزان
واللي اتملا بالآه
نهر العيون يجري
ونودعه لمثواه
لكن حساب الآخرة
ف انتظار مولاه

وقانا الله شر أبالسة الأنس والجن
وشر الأرهاب الذي يدمر ولا يعمر
ويقتل حتى من كانوا في حمى بيوت الله
نص جميل بمشاعر رقيقة، ومعان قوية، وتصوير بديع ماتع.
تحياتي وتقديري.

نعوذ بالله العلي العظيم من شر إبليس وجنوده
ومردته واعوانه من شياطين الأنس والجن وشرورهم
حرف سامق ومعنى عميق وحرف لا يمطر إلا الألق
أبدعت شاعرنا.