موج أزرق

النظرة موج أزرق
دبحني ف سكته
وأنا ليا في الحب معارك

معرفش إمتا خانّي الكلام
وبقيت ألخبط ف السلام
واستسلم القلب الهالك

من غير تفاوض أو شروط
وبسهم بين ضلعين مظبوط
سلمت لعنيكي ممالك

بربنط انا وشاعر فذلوك
وأنطق ف وش جيوش وملوك
ولا كلمه بعرف أقولهالك

رغاي شكاي أحزان وهموم
وبتفضلي سري المكتوم
ونجمة الليل الحالك

ما بينا كلام مالوش معنى
وأخاف نشبك مواجعنا
يزيد حالي وجع حالك

وبشبهلك ،،
لو انك ف الجمال أحلى
ولو مكنتش جرية عمر ف السحلة
ما كنت رضيت أنا غيابك

النظرة موج أزرق
دبحني ف سكته
وروحي لقيتها رايحالك

وأنا قلبي بحور وسفر ودروب
كلها بتودي لعنوانك

متعذب ،،
وف دنيا غريبة
أحلامي لسه شايلهالك

ماشي وبغني ،، من غير روح
ما انا قبل ما اروح
علقت أنا روحي
على بابك !
...
محمد سلامه

ما كل هذا الجمال..
شاعر حساس وشعر شفيف يشف عن روح عاشق
لله درك أيها الشاعر المعجون بالنقاء والحرف الآسر
شعرك حقيقي صادق
دامت حروفك ينابيع إبداع
عذبة محلقة في سماء الجمال
معزوفة ولا أبهى كانت ضلوعك أوتارها
فأتت صادقة قوية مؤثرة
دمت في تألق وإبداع.

ما كل هذا الجمال..
شاعر حساس وشعر شفيف يشف عن روح عاشق
لله درك أيها الشاعر المعجون بالنقاء والحرف الآسر
شعرك حقيقي صادق
دامت حروفك ينابيع إبداع
عذبة محلقة في سماء الجمال
معزوفة ولا أبهى كانت ضلوعك أوتارها
فأتت صادقة قوية مؤثرة
دمت في تألق وإبداع.

والنعمه ما حبتني دي كمان ،،
كانوا قرشين و10 سم زيادة على طولي
أحسن من كل الشعر في موضوع العشق يعني في الزمن ده
بيسعدني مرورك الجميل دايما أستاذة نادية
تحياتي