رباعية 1

يا دنيا فين مرساكى لجل ارسى
ويا الشيطان ... ولا عيون حارسه؟؟
قالت لى: كيف ما تحب يا ولدى
من دا ومن دا , وانا اللى ليك وارثه

اطفال كل يوم تتولد وتانيه تموت
وايام كل يوم تيجى وغيرها تفوت
واحلامى مهما تكبر بى يابا
احس انى فى البيضة يدوب كتكوت

باضحك لكنْ قلبي مجرّح
مرة أغنّي... مرة أنوّح
ما هي دي الدنيا.. هيه الدنيا
هَمّ يبكّي... وهَمّ يفرّح

يا دنيا فين مرساكى لجل ارسى
ويا الشيطان ... ولا عيون حارسه؟؟
قالت لى: كيف ما تحب يا ولدى
من دا ومن دا , وانا اللى ليك وارثه

الدنيا بحر كبير ملوش مرسى
وعيون كتير دور تلاقى لك ف عين مرسى
وان كنت مش عارف تعوم عتتعلم
دى النيا درس كبير ومين ينسى



جميلة جدا استاذ حسن وفقك الله وبارك لك

الدنيا دي دنيا مخلوقة
غرَّاك ونفسك مخنوقة
مش راضي بالمقسوم
أصل البعيد له شوقه
والنعمة بركة مرزوقة
إرضي ببختك ونصيبك
وبلاش بتر وبكي ولوم

اطفال كل يوم تتولد وتانيه تموت
وايام كل يوم تيجى وغيرها تفوت
واحلامى مهما تكبر بى يابا
احس انى فى البيضة يدوب كتكوت

شكرا لك يا دكتور فوزى على مداخلتك الرقيقة التى أثرت تلك الصفحة

باضحك لكنْ قلبي مجرّح
مرة أغنّي... مرة أنوّح
ما هي دي الدنيا.. هيه الدنيا
هَمّ يبكّي... وهَمّ يفرّح

أشكرك يا أخى الحبيب على هذه المداخلة الرقيقة

الدنيا بحر كبير ملوش مرسى
وعيون كتير دور تلاقى لك ف عين مرسى
وان كنت مش عارف تعوم عتتعلم
دى النيا درس كبير ومين ينسى
جميلة جدا استاذ حسن وفقك الله وبارك لك

الشاعرة الرقيقة / إلهام
أشكرك على مداخلتك الرقيقة

الكون أكيد مرساه ف السما السابعة
لما يشاء مولاه الدنيا له خاضعة
ما في حدا سواه نفسك إليه راجعة
بلاش فيها تحتار واتْبَعْ المختار
في ليلة الإسراء أخذ لنا الشُفعة

اللهم صلى وسلم وبارك على سيدنا محمد وعلى آله وصحبه وسلم
أشكرك أخى العزيز على هذه المداخلة الرقيقة

إوعاك تقع
دا الموج بيختار الجدع
.... وائل القويسنى