غريبة
[ غريبة إن الهوى يبلى بعينك ويطري بعيني
وزهر الشوق يذبل فيك وقلبي بلوعته طاري
غريبة قلبك الغالي يفكر يوم ينسيني
ويتركني اضيع بحرقتي ما كنّه بداري
نسيتي إنك انا واني زرعتك في شراييني
إذا كان الهوى ذنبي يبارك ربي أوزاري
سقيتك من ندى روحي وقلبك دوم يظميني
تبيع الحب تذبحني وانا ولمحبتك شاري
نقشتك في زوايا القلب انت اشلون تمحيني
ترى يا جنتي جهزّت لي في غيبتك ناري
غريبة الشوق يأخذني وحرفك دوم يكويني
يدمر قيصري وملكي ويحطم كل اسواري
غريبة قلبك الغالي يعذبني ويغويني
ترى هذا الرشاد الي مقدّر لي من الباري
صراحة بوحك المعجون بالأسحار يضنيني
وخلاني اسير الوجد والنجمات سمّاري
انا يا بهجة ايامي وجدتك سر تكويني
وقرأت الصبح بعيونك وفيك الليل قمّاري
انا اثبت لك حبي وانتي اشلون تنفيني
إذا ضاق الهوى فيني انا من ليلتي ساري
أحبك قدر رمل الأرض بلا اسباب تعنيني
بلا شوفك بلا صوتك عشقت اسمك ولا داري
/ ]
رد مع اقتباس
المشاركة الأصلية كتبت بواسطة جوتيار تمر
