الحبيب الشاعر دكتور جمال .
تحية حلوة .
بما أنه القصيدة بالعامية فاسمح لي أن أتحدث معك بالعامية .
دكتور جمال مرسي عاشت ايدك على هذا الحجي الحلو ، شكو ماكو ؟ بعدها مشتعلة النار ببيت فاطمة ؟ لو جووي الناس يصالحوهم ويا بعض ؟ يا أخي تعبنا ياهو اليجي يطلك بالثلاثة ، تكول ماكو قيمة للزوجة ؟ ولا أكو قيمة للرجال .
غريبة من رياجيل هذا الوكت كلمة والثانية وكالوا للمرة طالك بالثلاثة .. تكول متزوج دلاعة مو مرة .
والنسوان بعد .. لسانهم هالطول على رياجيلهم .. أول مرة بفترة الخطوبة تلاكيهن أنعم من النعومة ، وبعد الزواج تشوف سنونها مثل الأسد .. كلمة والثانية من الرجال وكالتله هذي بقجة هدومك ويالا روح على ماما يا راجل . هسة نريد نعرف المرة اطلكت ولا لا ؟ والرجال وين راح ؟؟؟ يا جماعة أخونا بمصيبة ولازم نوكف وياه . يالا حياكم اللـه .
فهمت شي ؟ هذي لهجة بغدادية .
تقديري
طالق بالتلاته
رد مع اقتباس
المشاركة الأصلية كتبت بواسطة د.جمال مرسي
