خـــذ حــــروفي

فداك امي وبو جدي
فداك أهلي وكل ناسي

يا إنته يااغلى ماعندي
فديتك حتى باحساسي

زرعت الورد في يدي
ونبت حبك مع أنفاسي

تغيب ودايمٍ حدي
طيوفك كل جلاسي

تسامرني ومن قدي
بليل الشوق نبراسي

ضويته يابعد وجدي
وزرعتك بين قرطاسي

قصيدة حب من ودي
حروفٍ كنها ألماسي

وفاض الحبر من خدي
وطار النوم ونعاسي

وقلبي باح في سدي
فضحني وانكسر باسي

وجيتك ما قدر اهدي
أصب الشوق من كاسي

وأنثر بالغلا وردي
عشانك يابعد راسي

خذ حروفي وخذ ردي
يحبك كلي من ساسي

أنا وأمي وبو جدي
وكل أهلي وكل ناسي


نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


تحيتي لكم ولمروركم