قتلت الحكومة المصرية الشاب خالد سعيد وأثبت الطب الشرعي أنه مات بسبب "البانجو"!!!!

طَبـْــ .. ش ... رعْي !!!

طب شرعي
مش ها تفرق
طول ما راية الحق واقعة
أوعى تقلق
طول ما عمر الشعب ماشي
جوَّه حيط
طول ما خايف
م اللي لابس
له "شريط"
يبقى لو مات في "السفينة"
يبقى هو اللي خرمها
لو وقع فوقه حجارة
في" الدويقة"
يبقى هو اللي شاكلها
لو قتلناه من سكات
حُط في بقُّو " موغات"
قول "خامورجي"
داحنا يابا إلحكومة
مين يفكر يعادينا
مين يفتَّح
عينه فينا ؟؟
إحنا مش بنبيع كلام
إسألو "إلطب شرعي"
ناس دكاترة
وتمام
حلفوا يابا عالأمانة
عندنا كل الأدلة
عندنا "الطب شرعي"
عندنا "الكدب شرعي"
عندنا "الضرب شرعي"
وكمان " القتل شرعي"
كل حاجة يابني شرعي
طول ماعمر الشعب ماشي
جوه حيط
طول ماخايف
م اللي لابس
له "شريط"