سالت عم الحكيم

الملف الشخصي · 27-01-2006, 02:50 AM

زجل كتبتة عن اختيار الزوجة الصالحة واسبابة بلسان شاب عادى يريد ان يتزوج

سألت عم الحكيم عاوز دوا ليا
دينا وسوسو ونانى تعبونى يا عنيا
مين فى التلاتة يا طبيب تنفع زوجة ليا
افرح انا بيها.. تفرح كمان هية

بتاخدنى دينا عالشغل كل صبحبة
تفطر معايا فى مطعم فول وطعمة
بصراحة فيها شقاوة وشوية حنية
لكن اعكر مزاجها.. تدينى فى عينيا
ولسان يطلع بلاوى .. تردح كمان ليا

والتانى سوس والام .. فى الاصل باريسية
رقة وشقاوة وحلاوة عاوزة المدادية
تلبس محزق ملزق ودى موضة صيفية
تنفع فى فسحة يا ناس مش بيت وتربية

والتالتة دينا حناكش قاصر فى ثانوية
تجمع وتضرب جوان متقولش باطنية (1)
تصرف عليك يامة ونهايتة يا عينيا
تلقى الحديد فى ايديك وتشوف غيرك هية

مين فى التلاتة يا حكيم تنفع زوجة ليا
افرح انا بيها تفرح كمان هية

رد عليا الحكيم بوصفة سحرية
يوم ما تفكر فى بيت فكر فى تربية
تكتب وتطبخ وتنتج ولبيتها مراعية
وان يوم تميل بهمك تلاقيها مواسية

ولامر رب العباد دايما ... طايعة مصلية
---------

1- جوان نوع من انواع تعاطى المخدرات والباطنية منطقة كانت فى القاهرة يباع فيها المخدرات وابيدت عن اخرها
عماد رجب

الملف الشخصي · 27-01-2006, 03:18 AM

فكرة حلوة .,
تزوج الاربعة ..

الملف الشخصي · 28-01-2006, 12:29 AM

أخي عماد جميل ما قراته هنا

سلم قلمك

أخي عاقد الحاجبين :

أضحك الله سنك يا أخي

لكما خالص تحياتي وتقديري

الملف الشخصي · 28-01-2006, 08:46 AM

أخي العزيز / عماد

جميلة تلك الفكرة ,و التي تُناقش بسخرية شديدة ما آل عليه حال الفتيات تلك الأيام ,و صعوبة اختيار الزوجات , بعد أن اختلط الحابل بالنابل , و تم إعادة صياغة المُفردات , ليُصبح ( المحزّق ) موضه , و الحجاب ( خَنقة).!!!

جميلة تلك الزجلية يا عماد , و اسمح لي بتلك الزجلية الخفيفة كمجاراة لحرفك الجميل , من قلمي المتواضع.

قالك عاقد يا عمده فكرة جهنمية

بس إيّاك تصدّق و تبقى أنت الضحية

بلاها دينا

بلاها سوسو

بلاها ناني

دول عيشة مهلبية

خليك في الرابعة يابني هتبقا ميه ميه

أحمد فؤاد