نوّر يا فانوس

نور يا فانوس

سيد الموجى

	نور يا فانوس يا فانوس نور ورينا اللى عليه بندوّر يمكن يا فانوس على زِر ندوس يخرج منك مارد محيوس بيقول : بس خلاص هانصوّر ! **** نور يا فانوس ، النور مقطوع والقمر اللى على الباب ملطوع بيناجى الليل ويقول مواويل الموجى وفايزة ومرسى جميل خلّوه اتنرفز واتهوّر ! **** نور يا فانوس بيّن للناس على نورك كرامات ( اليوسى ماس ) لو كل وزير باسم التطوير هايطبّق هنا أفكار الغير عمر التعليم ما هيتطوّر ! **** نور يا فانوس ع الكادر اياه واعلنها شهادة لوجه الله لو كان إنجاز إن الأستاذ يمتحنوه تلاميذه الأفذاذ تبقى شهادة بختم مزوّر ! **** نور يا فانوس حدد بالذات مين سرّب أو باع الامتحانات أصل المسئول شفناه بيقول إنه لا مستغرب ولا مذهول فى حوار واضح مش متحوّر ؟! **** نور يا فانوس ورّى الجمهور صفر ( العشرين عشرة ) المشهور واسألهم مين أهدر ملايين ورجع ببرونزية بيكين لا اتحاسب ولا حتى اتعوّر ! **** نور يا فانوس بيّن بوضوح حال الشعب المصرى المدبوح اللى مالوش غير الصبر نصير ركّز ع الواقفين فى الطوابير واوعى تبالغ والا تزوّر ! **** نور يا فانوس قول للمسئول لا سياحة ولا قناة ولا بترول لو يصْحَى ضمير كام ملياردير مصرى ، لا يمكن هنلاقى فقير مطحون من جوعه بيتضوّر ! **** نور يا فانوس اكشف ألاعيب اللى ف خيرنا نازلين تهليب دا قطاعنا العام انباع يا حرام لا عرفنا لمين ولا حتى بكام لكن مين ورا مين هايدوّر ؟ **** نور يا فانوس من غير ولا زيت ولا جاز ولا شمعة ولا كبريت دا زمان الجات ورّانا حاجات من صًنع الصين فيها ابتكارات فوق كل ما كنا بنتصور ! **** نور يا فانوس يا فانوس رمضان فكّرنا بأمجاد ناسنا زمان رجّعنا نعيش على لقمة عيش حاف ، بس بعزّة ومانخليش بيتنا بفوانيس غيرنا منوّر !

الموجي الرائع...
كأنه فانوس ديوجين ، رائع هذا التوظيف الدلالي الصوري ، ورائع هذا الانتقاء التعبيري ، تبقى نصوصك تحاكي الوقاع بكل تفاصيله ، وتجبر الذات على الانصياع لرنينها الداخلي.

محبتي
جوتيار

شاعرى الجميل
وأستاذى الجليل
وصديقى الكبير

بعد نصك
لا يمكن أن أتفوه بكلمة
" الصمت فى حرم الجمال جمال"
بيتنا بفوانيس غيرنا منور
آآآآآآآآآآآآآآآآآآآآآ ه ه ه ه ه ه ه ه
ياموجى
آه
تحياتى
وحسرتى

الموجي الرائع...
كأنه فانوس ديوجين ، رائع هذا التوظيف الدلالي الصوري ، ورائع هذا الانتقاء التعبيري ، تبقى نصوصك تحاكي الوقاع بكل تفاصيله ، وتجبر الذات على الانصياع لرنينها الداخلي.
محبتي
جوتيار

المبدع الجميل/ جوتيار
شهادتك شرف عظيم أعتز به
لك منى خالص الود وكل عام وأنتم بخير

شاعرى الجميل
وأستاذى الجليل
وصديقى الكبير
بعد نصك
لا يمكن أن أتفوه بكلمة
" الصمت فى حرم الجمال جمال"
بيتنا بفوانيس غيرنا منور
آآآآآآآآآآآآآآآآآآآآآ ه ه ه ه ه ه ه ه
ياموجى
آه
تحياتى
وحسرتى

الشاعر الجميل / علاء عيسى
تأكد يا صديقى الحبيب أن بيتنا لن يطول به بقاء الفوانيس الغريبة بإذن الله
رمضان كريم وكل سنة وانت طيب

:
::

بحق الصمت في حرم الجمال جمال ..
رائعة وكفى..
سلمت ودام ابداعك

تقبل خالص تقديري وتراتيل ورد

:
::
بحق الصمت في حرم الجمال جمال ..
رائعة وكفى..
سلمت ودام ابداعك
تقبل خالص تقديري وتراتيل ورد

الغالية / سحر
الجمال كله لديك
سعدت بوجودك هنا
ولك منى خالص الود

استاذي ... انت الفانوس
يذهلني براءة خيالك
ودقة تصويرك
وبوحك الصادق السلس
تحياتي لك من القلب

شكرا لك ياغالية على الجمال المنثور هنا

تحياتي لك

وئام

استاذي ... انت الفانوس
يذهلني براءة خيالك
ودقة تصويرك
وبوحك الصادق السلس
تحياتي لك من القلب

شاعرنا الجميل / بن ناشى
أشكر لك كلماتك الرقيقة ووجودك الذى أسعدنى كثيرا
دمت بكل خير