الميدان ..ردا علي الأبنودي
--------------------------------------------------------------------------------
الميـــــــــــــــــــــ ـــــدان
علمني أبويا الكلام واني ماخافشي الحق
علمني حب البلد وماخافشي كلمة لأ
أنا صنعتي إنسان
مش حية جوة الشق
ياخال وحالك عجب بتلف ع الفاضي
مين عيينك والي لجلن تكون قاضي
راعي ضميرك بقي
لاحسن تموت م الزق
العيب ماهوش مختفي في زحمة الطوابير
لكن سحاب الغشم لابد يوم هايطير
ونعود لحضن الوطن
لجل الوطن مايرق
العيب ركوب مركبة وانت مالكشي شراع
والخبث مهما كتر مالهوش لاصوت ولاباع
بكرة الجميع يعترف باللي ضميره مات
وبكرة نعرف أكيد كيف الوطن ينباع
تسألني بنتي حزين
أخفي الدموع عنها
حاسس باني باضيع
لجل الدفاع عنها
محتار مابين الكلام
وهمومي مين عانها
أسرح مع دنيتي
لكني برضو حزين
__________________
رد مع اقتباس
المشاركة الأصلية كتبت بواسطة إكرام مجاور
