وسامحينى

وسامحينى
.................


وسامحينى ...

خلاص هبعد
وبكرة الجاى من غيرى
أكيد هتشوفى فيه غيرى
ويجى اليوم وتنسينى


وسامحينى ...

حسبت الحسبة مية مرة
لقيتك صح م الأول وللاخر
لقيت الحب هيجى
برضه فى الاخر
وهيسيبك تفارقينى


وسامحينى ...

حاولت أحارب الدنيا
لقيتها كل يوم أقوى
ولما تشوفنى يوم بفرح
علىٍّ تزيد وتستقوى
ووسط النار بترمينى


وسامحينى ...

هعيش فى النار لوحدىّ
ومش عايزك تحنيلى
ولا تلومى فى يوم نفسك
ولا حتى تبصيلى
ونار بعدك بتكوينى


وسامحينى ...

هشوف جرحك قصاد عينى
وأنا واقف ضعيف مقهور
ومش عارف أكون ضهرك
وأنا ضهرى جريح مكسور
ومش لاقى اللى يشفينى


وسامحينى ...

خلاص همشى يا أغلى الناس
ومن بعدك
هشوف الحزن والقسوة
وأموت فى الثانية مية مرة
ما أنا بعدك
حياتى بحالها ولا تسوى
ولا عمرى ولا سنينى

.....وسامحينى .....

بوح نقيّ ينمّ عن حسّ صادق

ربّما خانك الوزن في بعض المواقع

لكنّ ذلك لم يقلّل من روعتها

مودّتي

بس انا مش حسامحك
الحبيبة زي الوطن ..لازم يناضل الأنسان عشانها
ما بيتركها تضيع منه وهو عاجز

انا تأثرت كثيرا

تحيات لك

مغناه جميله تفوح موسيقاها من بين السطور
وتتغنى بها الكلمات
*اختلال فى بعض الوزن لم يفقد رائعتك جمالها
تحيتى
وبالتوفيق

وسامحينى
.................


وسامحينى ...

خلاص هبعد
وبكرة الجاى من غيرى
أكيد هتشوفى فيه غيرى
ويجى اليوم وتنسينى


وسامحينى ...

حسبت الحسبة مية مرة
لقيتك صح م الأول وللاخر هذه الكلمة كسرت الوزن كما أنها لا تضيف للمعنى
لقيت الحب هيجى هيجيني هكذا أنسب وزنا و معنى
برضه فى الاخر السطر هذا مكسور
وهيسيبك تفارقينى


وسامحينى ...

حاولت أحارب الدنيا
لقيتها كل يوم أقوى
ولما تشوفنى يوم بفرح
علىٍّ تزيد وتستقوى
ووسط النار بترمينى


وسامحينى ...

هعيش فى النار لوحدىّ
ومش عايزك تحنيلى
ولا تلومى فى يوم نفسك
ولا حتى تبصيلى
ونار بعدك بتكوينى


وسامحينى ...

هشوف جرحك قصاد عينى
وأنا واقف ضعيف مقهور
ومش عارف أكون ضهرك
وأنا ضهرى جريح مكسور
ومش لاقى اللى يشفينى


وسامحينى ...

خلاص همشى يا أغلى الناس
ومن بعدك
هشوف الحزن والقسوة
وأموت فى الثانية مية مرة
ما أنا بعدك
حياتى بحالها ولا تسوى ( أقترح عليك تغير السطر إلى ما تسوى حتى يستقيم الوزن)
ولا عمرى ولا سنينى

.....وسامحينى .....

نص سلس بصوره ومعانيه
أعجبني فيه صدق العاطفة , ورغم الحزن إلا أن النص جميل
تحياتي أخي الشاعر الشرقاوي