للحد ده- باللهجة المصرية

للحدِّ ده
للحدِّ ده تِستهتري؟؟
تنسي المعاد تتأخري؟؟

ده كان لقانا عِيد مِيلادْ
ألِفِّ بيه كل البلادْ

أمشي بجناين من خيال
من فرحتي ..تتصوري ؟
******

للحدّ ده تستهتري؟؟
كنت ِ بحنيني تِنوّري..

تتزوّقي من الوداد ْ
ازاي تزيدي في البعادْ

كل الأماني و المحال
كانت بِـيَدّك تـُؤمُري
****

إزاي كده تتغيّري ؟؟
فـَيـَّا أنا تـِتجبـَّري

وأعيش انا ليل السهادْ
ما فهش فيه غير السوادْ

مهما زمان الهجر طال
تـِبقي بخيالي تخطري

جميلة بلهجتها المصرية ولحنها وفيض مشاعر عتب ولوم انهمرت من بين السطور
لترتل لنا بوحا شعرياً وشاعرياً غاية في الجمال والألق
أبدعت شاعرنا الفاضل ...
خالص التحايا

شكرا لمرورك الشاعرة الأخت الفاضلة
امال المصري

عتاب خفيف ولوم بحرف عذب رقيق
مع صياغة شعرية ساحرة
حس نبيل، وجرس جميل، وتراكيب مميزة.
دمت بروعة وألق.