بنت اخويا وحبيبت قلبي "مريم"
""""""""""""""""""""""""
نسمه ونسيم
ويمر من بين كفها
كل المعاني والكلام
ويموت على اديها الزعل
ويفر من جارها الخصام
زارعه السعاده غطان فرح
يسكن على عنيها السلام
مريم دي حته م القمر
نزلت وعاشت وسطنا
نزلت تعلم للبشر
ان البرائه تهمنا
تندهلي بابا
جيالي والفرحه بتسبق مشيها
كل الجمال من جنبها
ريح الامل ساكنه العيون
على طول تخدني ف دنيا تانيه
للشقاوة والجنون
مريم كلام.....
مريم سلام ......
مريم تغاريد السعاده
مريم تراتيل السكون
لو عشتوا ساعه جنبها
قلب الحجر يصبح حنون
مريم وانا فى البعد عنك
لسه فاكر ضحكتك
لمست اديكي فوق خدودي
والبرائه فى بسمتك
لعبك وجدك والبكى
وكل اللى فيكي وسكتك
مريم يا ريشه فى الهوى
والنسم يلعب فى المكان
يا حلم حالم يا غرام
يا لحظة من احلي زمان
لو غبتي بفتكر اللى كان
وبرسم فى عقلي بسمتك
مريم وانا فى البعد عنك
لسه فاكر ضحكتك
"
"تحياتينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي