عجباني

وعجباني
وكتير بسرح وبلقاني
وصلت لحد افكارك
وبلقاني ف مشوارك
اخطط عمرك الحالم
واغنيلك ف موالك
تشوفني الناس
تقول مجنون
وذايده فى يقينه ظنون
تشوفك جنبي تعزرني
تقول حقه عليها يكون
وكل ما اداري ف الآهآ
بتفضحني العيون فيكي
وكل ما ابعد او المشي
الاقيني مشيت ليكي
ومهما الناس ينادولك
ويتبكوا ويدعولك
انا وحدي اللى اسميكي
بغير لما بشوف النسم
بينسم على خدودك
وببقى سعيد
ولد فى العيد
مع وجودك
واسافر كل اقطارك
وتعرف سكتي دارك
وشايف حدي ف حدودك
انا حبيت
ومش بالعاده انطقه ولا اقولها
لغير نفسي
ايا نفسي
يا كل كياني وحوسي
يا كل الفرحه فى حسي
وكل الشوق
رماني الحب بالدمعه
وذكره محيرة عقلي وبال مسروق
وشفتك صورة بتونس حواديتي
وقنديل جوه حوش بيتي
لساني وقلمي وكتابي
واقوالي واصحابي
واهلي وكل احبابي
وهحبك مهم هيقولوا
وهسمع مهما غنيتي
رموز الحب فى عيونك
بتظهر مهما خبيتي
يا ساكنه القلب بالقوه
ومالكه كل افكاره
يا امله ورحلته وداره
يا ريح بتهد اسواره
يا صوت طيب وبال مرتاح
وعارفه ان الهوى فضاح
فمتلومنيش
دا انا الغايب
وانا الدايب
وانا اللى حب ولا طالش
غير انه يردد الغنوه
ويذكر فيكي بالايام
واشوفك صدفه بالاحلام
واشوفك راحه مرتاحه
واشوفك ضحكه سواحه
ودايره على الانام بكلام
انا الغلطان لكن عزري
يبرر غلطي ويسامح
ويشفع عند اقدارك
يا محروسه من التهميش
دا انا المشتاق
ونفسي اعيش
"
"#قلمي
#رائدالملك

مطولة ماتعة أي رائد
راقت لي قراءتها

تحيتي

حمادة الشاعر

نص رائع واستخدام بديع للكلمات
تحيتى اخى الحبيب
ننتظرك دائما
وبالتوفيق

مطولة ماتعة أي رائد
راقت لي قراءتها

تحيتي

حمادة الشاعر

شكرا كتير صديق الدرب والراقص على اوتار الابداع

نص رائع واستخدام بديع للكلمات
تحيتى اخى الحبيب
ننتظرك دائما
وبالتوفيق

يسلم مرورك الكريم يا صديقى الناصح الصدوق

جميلة بلهجتها المصرية الماتعة وموسيقاها وتناغم كلماتها
شكرا لك أيها الرائع هذا البهاء
ومرحبا بك في واحتك
تحاياي

جميلة بلهجتها المصرية الماتعة وموسيقاها وتناغم كلماتها
شكرا لك أيها الرائع هذا البهاء
ومرحبا بك في واحتك
تحاياي

يشرفنى دائما مرورك يا كريمة

ترنيمة عذبة تلامس السحاب
نص بديع ، وشعر رقيق، ومشاعر رقراقة تطرب الروح
دمت بكل بهاء.