السلام عليكم ورحمة الله وبركاته




لازم أبقى معك يا جبان

علشان متقوليش إخوان

هو أنا يعني ها أخاف من أهلك

ولا فكرني حقود خوان


أنا مبخفش غير من ربي

مصر بحالها جوه فى قلبي

موش راح نفصل ولا ها نقسم

شيل فى ذنوبك يلا وعبي


هو سعادتك ليه محروق

شكلك والله أخدت خزوق

عرفاك ناوي تعوم ع الفته

بس لقيت نفسك مزنوق


يلي لسانك له قرنين

لعيب دبش على الونجين

هى الدنيا بقت لمزاجك

حاسب قبرك طوله مترين


بتشعلل فى النار وتقيد

والكدبه فى بقك بتزيد

الكره يا فالح عمى عينك

روح إن شاله تروح فى حديد


أي حرامي تقول دا حبيب

بلطجي عايش ع التهليب

وانت تشوفه ملاك بيرفرف

يخرب عقلك دا انت غريب