فترة نقاهة

محتاجين بعد المرض

فترة نقاهة


محتاجين لحظة تريث


تبتدى الروح فى التنفس

لاجل ما نقدر نفوق

نستوعب اللحظة اللى عدت

نمحى أيامنا اللى عشناها كئيبة

نمحى خوفنا م المشاهد

والمناظر

كلها كانت مريبة

ندى فرصة لروحنا نفرح

بس ده عمره مايمنع

اننا نهدى ونفكر

طالما قلنا نغير

يبقى لازم صبر حبة

بالتكاتف والعمل

بالتسامح والأمل

والوطن نملاه محبة

كله ييجى حبة حبة

يا أحبة

مصر أكبر م العتاب

مصر أولى بصوت ولادنا

والوطن راجع بايدنا

يا احبة

مصر أكبر م العتاب

أجلو وقت الحساب