قلب ضعيف

حياتي و روحي مكسورة
ونبضه فـْ صدري محشورة
وبـِتـْعـَانِد..عشان تطلع مهيش عارفه
فـَ بـَتـْخـَيِّل مـِتين صورة
معاهم بسمة مقهورة
و وش كئيب
خلاص مَّليت
أعيش بسعادة مبتورة
وكل ملامحي محسورة
وقلب ضعيف
بشوفه كتير أوي بيعرج...لكنه كبير
يقول: مستورة..مستورة
و اهز فـ صدري إذ يمكن يفوق النبض
أروح واقع أوي عالأرض
واحس عيوني بتفرفر
وتبكي كتير
فـَتِنهش حرقتي فيا..بدون تفسير
واشوف أحزاني مسعورة
بـِتِلجـِم فيا وجداني
وتدبح كل أحلامي
ويغرق في الأسى عمري
وقلبي ضعيف
يقول: إجـْمـَد
وتاني يقوللي : مستورة
○○○○○○○
○○○○○

cryheart
5/2011