كل شيء جواكى مات

الكلام مبقاش يفيد
كل شى جواكى مات
يوم ما ليكى أمْد إيد
إقطعيها
واجمعيها
مع اللى باقى لى ف قُربك
من شتات
وابدرينا ف بحر أمواجه
آهات
تطرح الأمواج دموع
والدموع إنْ تبكى دم
مش مهم
أى دمع بأيه يفيد
الكلام مبقاش يفيد
* * *
كنت بستحمل واخبّى
مهما طال وياكى دربى
م انتى دربى
وارسمك..مركب
وانا...فيه المراكبى
وافرد الإحساس شراع
واستلف م الشمس
ميت مليون شعاع
لجل اجدف بيها
واوصل برّ حبك
بس..ليه يا مركبى وقفت
ورمتنى بره منك
وسط دمعى
والنهارده
جاى تصيد قلبى الغريق
للأسف تهت فـ طريق
مايجوزش فيه إنك تصيد
الكلام مبقاش يفيد
* * *
لما شوفتك
قلت لازم ليكى أوصل
والنهارده بقول: يا ريتنى
ما كنت أوصل
أو أشوفك
أو أكون نقطة فــ حروفك
أو ماكونش
قولى ليا بأيه أزيد
الكلام مبقاش يفيد
كل شئ جواكى مات
* * *

شعر / حسن صلاح حسن

لم يموت لم يموت
حبى ليك مليان أغانى
عشقى ليك مليان أمانى
آخر كلامى المفيد
رغم قسوة قلبك ليا
أنا عاشقة لأجمل حبيب
سيدى .. حسن...
موضوعك ذكرني بأبيات المتنبي
اللي قال فيها عن الحب

فــــإنـ قليــلـ الحــبـ بالعقـلـِ صالحـٌ
وإنـ كثيـر الحبـ بالجهلـ ِفاسـدٌ
دمت بكل الخير والهناء
مرمر

هي كلمة تحيي بكره
وتنجد م البحرغريق
والدموع اللي موجها
شايل اماني الهوي
ونار الجوي والشوق
ها تسبنا وترسي بعيد
****
اًصل العهود وعد ودين
ولو نوفي بصدق العهود
بالطبع بيقي كلام مفيد
ينقذ حياة من موت اكيد
ولاَّ الكلام ف الحاله دي
يبقي ياصاحبي مش مفيد ؟؟

قصيدة جميلة
أعجبتني كثيرا

أخي حسن صلاح :
بجد حلوة

سلمت ودام نبضك
لك خالص تقديري وباقة ورد

قصائدك تشهد عليك لا اقول كلام كثير ولكن حقا شعرك ياخذ عقلى
وارى فيه معان كثيرة
ذادك الله يا شاعرنا واستاذنا الاستاذ /حسن صلاح

هوه ده يا جماعه .........

.......... حسن صلاح

حسن صلاح
قدمت لنا نماذ متعددة لك فى التناول
شعرنا معك بموهبتك
اتمنى لك مزيد من التقدم

بارك الله فيك أخي حسن

قصيدة جميلة من شاعر يعرف كيف يمسك بالقلم، وكيف يصطاد الحروف التي يقدمها على مائدته الدسمة.

تحياتي أخي حسن، ودامت روائعك.

لما شوفتك
قلت لازم ليكى أوصل
والنهارده بقول: يا ريتنى
ما كنت أوصل
أو أشوفك
أو أكون نقطة فــ حروفك
أو ماكونش
قولى ليا بأيه أزيد
الكلام مبقاش يفيد
كل شئ جواكى مات
كثيرا ما يجد الانسان من يهنئه وقت الفرح ولكن قلما أن يجد من يقف بجواره وقت القرح.....
أخى الأكبر :لقد قلت لها ما عجزت أنا أن أقوله لها ....وهذا منك ابداع....اسمح لى أن أشكرك عليه
وأحييك لأجله .....حقا "كل شىء جواها مات"
مع تحياتى : الأحمدى عثمان الهوارى

حسن صلاح
كل عمل لك
يقربك من قلبى
تحية لقلمك العطر