معنى

خلاص قرر
بإنه يكمّل الرحلة
ومن غير زاد
ماخدش معاه سوى قلبه...
وكام شعرة من اللي ابيضو من قبل الشياب بمعاد
وراح يفرد قصاده الليل ويتمدد
ويتردد
يقول؟ مايقولش؟ ماعرفشي
فقام كسّر جميع اقلامة ورماها
وساب نفسه
لموج الليل
وراح يرسم بإيده ف السما معنى
ماهوش شايفه ولا فاهمه
لكين حاسة
من الجايز يكون مش راضي عن فرطة نجوم الليل بلا صاحب
فقال بإديه يلضـّمها
من الجايز يكون عدى حدود الوهم بيلملم نسيم الفجر
من الجايز يكون بيكمل اللي نقص م البدر
وليه هنفلسفه إحنا
ده هو نفسه مفهمشي
لأن المعنى ده فايق حدود الفهم
لأن المعنى ده بقلبه - وبس بقلبه – يتحس




باسم زكريا
16/7/2008

خلاص قرر
بانه يكمل الرحلة
ويمشى ميل وراه الميل
بدون ما يميل
لبعد السكة والمشوار
وسابه الهم ولىّ وغار
بقى مع نفسه وحديهم
بيتسايروا ويتغايروا ويتقاسموا
ف احلى حلم كان بينهم
رسم نفسه ف نور الشمس والضحكة
مبتفارقوش
رسم كلمة
لها معنى
ومعنى بس ما فهموش
لكن حاسه
لانه راسمه من قلبه
وقلبه وحده بيتحكم
ف حكم المعنى والمقصود
محدش يجى يتفلسف
عشان لو ترجموا المعنى
هيبقوا لسة ما فهموش




المبدع الراااااااائع / باسم زكريا
حقيقى برافووووووووووووو غيابك جابك جاب نتيجة
غبت عنا بس جبتلنا قصيدة تعوضنا عن اللى فاتبس ده برضه لا يعذرك عن الغياب كل هذه المدة
حقيقة انت شاعر لك وزنك ولك ابداعك فلا تحرمنا من هذا الابداع
حقيقة انا سعييدة جدا ان اكون اول المعانقين لهذا النص الجمييييييييييييييييييل
وتقبل مداخلتى الكيبوردية السريعة
اتمنى لك مزييييييييييييييد من الابداع والتفوق والاستمرار
استمر لتمتعنا بروائعك
تقبل خالص تحياتى وتقدير
الهام احمد سعد

خلاص قرر
بإنه يكمّل الرحلة
ومن غير زاد
ماخدش معاه سوى قلبه...
وكام شعرة من اللي ابيضو من قبل الشياب بمعاد
وراح يفرد قصاده الليل ويتمدد
ويتردد
يقول؟ مايقولش؟ ماعرفشي
فقام كسّر جميع اقلامة ورماها
وساب نفسه
لموج الليل
وراح يرسم بإيده ف السما معنى
ماهوش شايفه ولا فاهمه
لكين حاسة]
" الغالى باسم "

نصك يعتصر شعرا
مفرداتك تنم عن شاعرية جميلة "
تحية لتركيباتك اللبقة
ولمعانيك الثرية
دمت بخير

المبدع باسم....
ومن الجايز يكون مل الاخر اللي في نفسه يتوهم بانه يمكن يملك الكون في لحظة ....

رائعى بحق وتستحق التوقف عندها بعمق وتأني....
محبتي
جوتيار

خلاص قرر
بإنه يكمّل الرحلة
ومن غير زاد
ماخدش معاه سوى قلبه...
وكام شعرة من اللي ابيضو من قبل الشياب بمعاد
وراح يفرد قصاده الليل ويتمدد
ويتردد
يقول؟ مايقولش؟ ماعرفشي
فقام كسّر جميع اقلامة ورماها
وساب نفسه
لموج الليل
وراح يرسم بإيده ف السما معنى
ماهوش شايفه ولا فاهمه
لكين حاسة
من الجايز يكون مش راضي عن فرطة نجوم الليل بلا صاحب
فقال بإديه يلضـّمها
من الجايز يكون عدى حدود الوهم بيلملم نسيم الفجر
من الجايز يكون بيكمل اللي نقص م البدر
وليه هنفلسفه إحنا
ده هو نفسه مفهمشي
لأن المعنى ده فايق حدود الفهم
لأن المعنى ده بقلبه - وبس بقلبه – يتحس
باسم زكريا
16/7/2008

باسم
أنت فنان رسم الصورة كاملة
تسلم إيديك