مناجاة يتيم / في العيد
[align=center][/align][gasida= font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أقبل العيد وتماهـت بي تباريح وهموم= واستفاق الضِّيق في صدري ولوعات العذاب
الوجع في قلبي المجروح لغيابك جثوم= يا يبه والضيمْ والحسراتْ واشواق وعتاب
إي وحق الآه جفني لا حشى ما ضاقْ نوم= والوجل فك لي من ابواب الشقا سبعين باب
فرحة الأولاد يوم العيد بالوالد تدوم= لا شرى الزينة ولبـَّسهم على كيفه الثياب
لا جلس في مجلسه والكل من خيره يسوم= لا ضحك لا قال "عيديه" وكل(ن) له نصاب
لا جمعهم في كنـَفْه وبرَّد بـْفيَّه السموم= شبَّها قيض(ن) على الوجنات خيَّم بارتياب
القمر من غبت ودَّع وانطفى وهْج النجوم= واظلمت دنياي من يوم التوسَّدْت التراب
في سماي تلبدت تنعاك سودات الغيوم = والفرح يا والدي في لجَّة الأحزان ذاب
كشر الهون بْصفا روحي وأرداني ملوم =واستباحتني صروفه وآذنت لي باكتئاب
تشتري فضلك كثير اصحاب والقاني كتوم= هو يساوى الماي ـ وانت الماي ـ وطيوف السراب؟؟
كني بروحك على راسي (ف) كل لحظة تحوم= تنشد أحوالي واناشدهاعن أسباب الغياب
مدري هو قلبك جفانا؟ لو ترى دهرك غشوم؟= لو تصاريف القضا حكمت علينا باغتراب؟
أقبل العيد وتراني ما طلبت إلا تقوم= من رقادك تمسح الدمعات وتدفـِّي الصواب
ولو تردك دمعتي والله لاذرف لك سجوم= من قروح اجفان بس هيهات حلمي يستجاب
عيدك مبارك وعيدي باليتم صفحات شوم= ضمها بالخوف والحرمان من صغري كتاب[/gasida]
[align=center][/align]
رد مع اقتباس
